ទោះជារឿងហេតុបានកន្លងហួសរយៈពេល១៦ឆ្នាំហើយក្ដី ប៉ុន្តែពាក្យចចាមអារ៉ាមស្នេហ៍រវាង Yoon Eun Hye និង Kim Jong Kook នៅតែបន្តលេចឮឡើងដដែល។ មនុស្សជាច្រើនសង្ស័យថាតើអ្នកទាំងពីរធ្លាប់លួចមានទំនាក់ទំនងស្នេហាជាមួយគ្នាពីមុនដែរឬអត់? ថ្មីៗនេះតារាសម្ដែងឯកពីភាពយន្តកូរ៉េល្បីៗ Yoon Eun Hye បានធ្វើឱ្យអ្នកនគាំទ្រ និងមហាជន កាន់តែសង្ស័យ តាមរយៈមួយប្រយោគរបស់កញ្ញា។
ក្នុងឋានៈជាភ្ញៀវកិត្តិយសក្នុងកម្មវិធី «Knowing Brothers» ដែលផ្សាយចេញនៅថ្ងៃទី ១៧ ខែ កក្កដា ឆ្នាំ២០២១ Yoon Eung Hye ត្រូវបានពិធីករសាកសួរច្រើនទៅលើរឿងរ៉ាវស្នេហារវាងកញ្ញានិងតារាសាច់ដុំមាឌគីងកុង Kim Jong Kook។ តួឯកស្រីពីភាពយន្ត «នឹកណាស់នួនល្អង» ដែលធ្លាប់ចាក់បញ្ចាំងលើស្ថានីយទូរទស្សន៍ មិនបានបដិសេធចោលសំនួរតែក៏មិនបានពន្យល់បែបចំៗដែរ តារាស្រីរូបនេះគ្រាន់តែពន្យល់ថា កាលណោះអ្នកគ្នាសួរកញ្ញាថា តើកញ្ញាពិតជាទាក់ទងជាមួយនឹង Kim Jong Kook ដែរទេ សូម្បីឪពុកម្ដាយកញ្ញាក៏ឆ្ងល់ពីរឿងនេះដែរ។ បន្ថែមលើសពីនោះប៉ាម៉ាក់របស់កញ្ញាថែមទាំងលើកទឹកចិត្តឱ្យពួកយើងទាក់ទងគ្នាថែមទៀតផង។
១៦ ឆ្នាំមុន Kim Jong Kook និង Yoon Eun Hye ជាតារាកិត្តិយសក្នុងកម្មវិធី «Show X-Man» ជាសមាជិករួមក្រុម ហើយនៅក្នុងពេលនោះដែរក្រុមម្ខាងទៀតបានសួរទៅ Kim Jong Kook ថាគេស្អប់ Yoon Eun Hye មែនទេ? ព្រោះតែគេត្រូវឆ្លើយថា«ពិតមែនហើយ» ពេលនោះ Kim Jong Kook បានយកដៃទាំងពីរទៅខ្ទប់ត្រចៀក Yoon Eun Hye បែបអៀន ដើម្បីកុំឱ្យតារាស្រីរូបបនេះអាចឈឺចាប់នឹងពាក្យរបស់ខ្លួន។
សកម្មភាពនេះបានក្លាយជាអនុស្សាវរីយ៍ជីវិតមួយសម្រាប់អ្នកទាំងពីរ។ ចាប់តាំងពីនោះមកអ្នកទាំងពីរត្រូវបានហ្វេនចាប់គូឱ្យ ជាងនោះទៀតហ្វេនក៏មានចម្ងល់ដែរថាតើអ្នកទាំងគូធ្លាប់ដែលបានទាក់ទងគ្នាក្រោយថតកម្មវិធីនោះដែរទេ? យ៉ាងណាមិញសំនួរដែលជាចម្ងល់របស់ហ្វេននៅតែមិនមានចម្លើយ ហើយថែមទាំងឆ្ងល់លើសដើមជាមួយនឹងចម្លើយខាងលើរបស់ Yoon Eun Hye ។
ប្រភព៖ Kbizoom