សហព័ន្ធខ្មែរអត្តពលកម្មស្ម័គ្រចិត្ដ បានបង្កើតកម្មវិធីបើកឱ្យមហាជនចូលរួមគ្រប់កម្រិតនោះគឺ Cambodia Athletics Strava Club ដែលជាការចូលរួមរត់ប្រណាំងដោយវាយតម្លៃនិងដាក់ពិន្ទុនៅលើកម្មវិធីទូរសព្ទដៃ (App) ឈ្មោះថា Strava។ វិញ្ញាសាដែលកំណត់មាន ទី១ អ្នករត់បានឆ្ងាយជាងគេ ទី២ អ្នករត់បានលឿនជាងគេ និងទី៣ ជនបរទេសរត់ពាក់កណ្ដាលម៉ារ៉ាតុន បានលឿនជាងគេ។
នេះជាសប្ដាហ៍ទី៣ ហើយដែលសហព័ន្ធប្រកាសពីម្ចាស់ជ័យលាភីប្រចាំសប្ដាហ៍ នៅរសៀលថ្ងៃចន្ទ ទី១៩ ខែកក្កដា ឆ្នាំ២០២១ ហើយជាលទ្ធផលអ្នករត់បានឆ្ងាយជាងគេ (21Km+ ក្នុងមួយលើក) មាន៖
១. លោក Kim Kok ល្បឿន 5:10/Km (ឈ្នះ៣សប្ដាហ៍ជាប់គ្នា)
២. លោក Vibol Seang ល្បឿន 5:16/Km
៣. លោក Sotay Sach ល្បឿន 5.18/Km
ចំណែកអ្នករត់បានលឿនជាងគេមាន៖
១. លោក Lyonn In 122.2 Km
២. លោក Cheang Sophors 114.4 Km
៣. លោក Sokheng Sar 101 Km
ចំពោះជនបរទេស បានទទួលជ័យជំនះការប្រកួតប្រចាំសប្តាហ៍ទី៣ ទាំង៣រូប ដែលរត់លឿនជាងគេចម្ងាយ 21Km+ ក្នុងមួយលើក៖
១. លោក Farrell Hadrick ល្បឿន 4.29/Km
២. លោក 悠吾 太田 ល្បឿន 5:38/Km
៣. លោក Masaru Torii ល្បឿន 5.41/Km
