គណៈកម្មាធិការអូឡាំពិកអន្តរជាតិ (IOC) បានបញ្ជាក់នៅថ្ងៃទី២១ខែកក្កដា ឆ្នាំ២០២១ នេះថាទីក្រុងប្រ៊ីសបាន (Brisbane) របស់អូស្ត្រាលី ទទួលបានសិទ្ធិធ្វើជាម្ចាស់ផ្ទះប្រចាំព្រឹត្តិការណ៍កីឡាអូឡាំពិករដូវក្ដៅឆ្នាំ២០៣២ Summer Olympic Games 2032ខាងមុខ។
ដូច្នេះព្រឹត្តិការណ៍កីឡាអូឡាំពិកដែលធ្វើបន្ទាប់មាន៖
-ឆ្នាំ២០២០ (លើកមកធ្វើឆ្នាំ២០២១) នៅប្រទេសជប៉ុន ពីថ្ងៃទី២៣ កក្កដា- ៨សីហា ២០២១
-ឆ្នាំ២០២៤ នៅប៉ារីស ប្រទេសបារាំង ពីថ្ងៃទី២៦ កក្កដា -១១ សីហា ២០២៤
-ឆ្នាំ២០២៨ នៅឡូសអាន់ជ័រលេស សហរដ្ឋអាមេរិក ថ្ងៃទី២១ កក្កដា-៦ សីហា ២០២៨
-ឆ្នាំ២០៣២ ទីក្រុងប្រ៊ីសបាន ប្រទេសអូស្រ្ដាលី ថ្ងៃទី២៣ កក្កដា-៨ សីហា ២០៣២
នេះជាលើកទី៣ហើយដែលអូស្រ្តាលី ទទួលបានសិទ្ធិធ្វើជាម្ចាស់ផ្ទះព្រឹត្តិការណ៍កីឡាអូឡាំពិក បើគិតចាប់តាំងពីបង្កើតលើកដំបូងក្នុងឆ្នាំ១៨៩៦ ខណៈលើកដំបូងធ្វើនៅទីក្រុងម៉ែលប៊ន ឆ្នាំ១៩៥៦ និងឆ្នាំ២០០០ ធ្វើនៅទីក្រុងស៊ីដនី៕