អត្តពលិក គ្រូបង្វឹក ជម្រើសជាតិកម្ពុជា និងប្រតិភូដឹកនាំ បានធ្វើដំណើរទៅដល់ទីក្រុងតូក្យូ ប្រទេសជប៉ុន ហើយនៅម៉ោង៩:៥០នាទីយប់ថ្ងៃអង្គារ ម្សិលមិញ ដើម្បីចូលរួមក្នុងព្រឹត្តិការណ៍កីឡាអូឡាំពិក 2020 Summer Olympics ដែលនឹងរៀបចំពីថ្ងៃទី២៣ កក្កដា ដល់ ៨ សីហា ឆ្នាំ២០២១ ខាងមុខនេះ។
ឯកឧត្តម វ៉ាត់ ចំរើន នាយបេសកកម្ម ដឹកនាំក្រុមកម្ពុជា ទៅប្រកួតកីឡាអូឡាំពិកលើកនេះ ដោយមានអត្តពលិក៣រូបរួមមាន កីឡាការិនីហែលទឹក ឃឿន ប៊ុនពេជ្រមរកត ហែលក្នុងវិញ្ញាសាហែលទឹក៥០ម៉ែត្រសេរីនារី។ កីឡាករហែលទឹក ហែម ប៉ុច ក្នុងវិញ្ញាសាហែលទឹក៥០ម៉ែត្រសេរីបុរស។ កីឡាករអត្តពលកម្ម ប៉ែន សុគង់ នឹងរត់ល្បឿនចម្ងាយ១០០ម៉ែត្របុរស។
ខាងក្រោមជាវីដេអូបន្ទប់ស្នាក់នៅរបស់អត្តពលិកកម្ពុជា៖
