កីឡាករ គឹម ចាន់ធូ, សាន ណាម៉ា ,កីឡាករ សាន ណាម៉ាវ ដែលកំពុងតែហ្វឹកហាត់នៅប្រទេសបារាំង រយៈពេល៣ខែ បានចុះឈ្មោះចូលរួមកម្មវិធីប្រណាំងកង់គួក Grand Prix De La Ville De Perenchies លើកទី៤៤ របស់បារាំង ក្នុងថ្ងៃ អាទិត្យ ទី២៥ ខែ កក្កដា ឆ្នាំ២០២១ ចុងសប្ដាហ៍នេះ។
បើតាមលោក នូ ចំរើន អគ្គលេខាធិការសហព័ន្ធខ្មែរកីឡាទោចក្រយាន កន្លងមកបានបញ្ជាក់ថា ក្រុមកីឡាករជម្រើសជាតិកម្ពុជា និងគ្រូបង្វឹកម្នាក់សរុប៤នាក់លោក ទទួលបានការទំនុកបំរុងពីលោកស្រី ប៉ែន ស្រីមុំ ប្រធានសមាគមកីឡាប្រណាំងកង់កម្ពុជា (Cambodia Cycling Academy-CCA) ដែលមានទីស្នាក់ការនៅប្រទេសបារាំងនិងកម្ពុជា ដោយសមាគមជួយដល់ការស្នាក់នៅ ហូបចុក និងការធ្វើដំណើរទៅមកក្នុងការហ្វឹកហាត់ និងការប្រកួតដកស្រង់បច្ចេកទេសជាមួយក្រុមជំនាញកម្រិតខ្ពស់នៅបារំាង។