Thursday, December 8 Login

កាល​ពី​ម៉ោង​១០​និង​២០​នាទី​ថ្ងៃ​ទី​៨ ខែ​មេសា​ ឆ្នាំ​២០២១​ ​នេះ​ ក្រុម​គ្រួសារ​ឯកឧត្តម ម៉ៅ ​អាយុទ្ធ​ ​រដ្ឋលេខាធិការ​ក្រសួង​ព័ត៌មាន​បាន​ចេញ​មក​ច្រាន​ចោល​ទាំង​ស្រុង​ចំពោះ​ដំណឹង​ក្លែងក្លាយ​ដែល​បាន​បំផ្លើស​ការ​ពិត​ហើយ​​ផ្សាយ​កាឡៃ​ថា​ឯកឧត្តម​ ម៉ៅ ​អាយុទ្ធ​ ​បាន​ទទួល​មរណភាព​ដោយ​សារ​ជំងឺ​កូវីដ​-១៩។​

​បើ​តាម​ការ​បញ្ជាក់​ពី​ភាគី​ខាង​ក្រុម​គ្រួសារ​បាន​ឱ្យ​ដឹង​ថា​ស្ថានភាព​ជំងឺ​ឯកឧត្តម​ ម៉ៅ អាយុទ្ធ​មក​ដល់​នឹង​ពេល​នេះ​គឺ​មាន​សភាព​នឹងនរ​ដោយ​ឯកឧត្តម​នៅ​ដឹង​ខ្លួន​និង​អាច​ទទួល​ទាន​អាហារ​តាម​ការណែនាំ​របស់​ក្រុម​គ្រូពេទ្យ​​ជា​ធម្មតា​ ហើយ​ក្រុម​គ្រូពេទ្យ​ក៏​កំពុង​តែ​តាមដាន​អាការៈ​ជំងឺ​របស់​ឯកឧត្តម​ជា​បន្ត​បន្ទាប់​ទៀត​ដែរ។

ដូច្នេះ​ក្រុម​គ្រួសារ​សុំ​បញ្ជាក់​ថា​ឯកឧត្តម​មិន​បាន​ទទួល​មរណភាព​ដោយ​សារ​ជំងឺ​កូវីដ-១៩ ដូច​ដែល​បណ្ដាញសារព័ត៌មាន​មួយ​ចំនួន​បាន​ធ្វើ​ការ​ចុះ​ផ្សាយ​នោះ​ទេ​។

សូម​រំលឹក​ឡើង​វិញ​ថា​ឯកឧត្តម​ម៉ៅ អាយុទ្ធ​​គឺ​ជា​អ្នក​ដឹកនាំ​រឿង​និង​ផលិតករ​ដ៏ជំនាញ​និង​មាន​ភាព​​ល្បីល្បាញ​ខ្លាំង​តាមរយៈ​ស្នាដៃ​ជាច្រើន​ដូច​ជា​រឿង​ហ្លួង​ព្រះស្ដេច​កនជា​ដើម​។ ឯកឧត្តម​​បាន​ឆ្លង​ជំងឺ​កូវីដ​១៩ ​និង ​បាន​ចូលទៅ​​សំរាក​ព្យាបាល​នៅ​មន្ទីរពេទ្យ​ខ្មែរ​សូវៀត​កាល​ពី​ថ្ងៃ​ទី​​០៧​ ខែ​មេសា​ម្សិលមិញ​នេះ៕

Share.

Leave A Reply