លោក ញាណ សុខវិសាល នាយករងបេសកម្មរបស់ប្រតិភូកម្ពុជា បានបង្ហាញពី១៥ ចំណុចក្នុងព្រឹត្តិការណ៍កីឡាអូឡាំពិករដូវក្ដៅ 2020 Olympic Games ដែលកំពុងរៀបចំនៅរាជធានីតូក្យូ ប្រទេសជប៉ុន ខណៈពិធីបើកផ្លូវការបានរៀបចំនៅយប់ថ្ងៃសុក្រ សប្ដាហ៍នេះ។ ខាងក្រោមជាខ្លឹមសារទាំងស្រុងដែលលោក ញាណ សុខវិសាល បានលើកឡើង៖
ខ្ញុំសូមចែកចំណេះដឹងខ្លះៗអំពីកីឡាអូឡាំពិកតូក្យូ Olympic Education «ពីធីបើក Opening Ceremony »
១.ការរៀបលំដាប់ក្បួនហែទង់ប្រទេសចូលរួមគណៈកម្មាធិការអូឡាំពិកនៃប្រទេសនីមួយៗ (NOCs) ក្នុងពហុកីឡដ្ឋានអូឡាំពិកត្រូវបានរៀបតាមលំដាប់តួអក្សរជប៉ុន
អត្ថបទពាក់ព័ន្ធ៖Olympic Games៖កីឡាការិនីរូបនេះឈ្នះមេដាយមាសបានមុនគេ
២.ប្រទេស NOC ដែរដើរក្បួនមុនគេចូលក្នុងពហុកីឡដ្ឋានអូឡាំពិកគឺក្បួនប្រទេសក្រិច (NOC GREECE ) ដែរជាប្រទេសដើមកំណើតកីឡាអូឡាំពិកសម័យបុរាណ
៣.លំដាប់ទីពីសំរាប់ការដើរក្បួនចូលកីឡដ្ឋានអូឡាំពិកគឺក្រុមនាក់កីឡាជនភៀសខ្លួន (Refugee Olympic Team)
៤. NOCប្រទេសកម្ពុជាត្រូវដើរចូលក្បួននៅលំដាប់ទី៤៩
៥.សំរាប់NOCsចំនួន៣ចុងក្រោយដែរដើរចូលក្នុងពហុកីឡដ្ឋានអូឡាំពិក លេខរៀងទី២០៣គឺសហរដ្ឋអាមេរិចដែរនឹងជាប្រទេសម្ចាស់ផ្ទះកីឡាអូឡាំពិកទីក្រុងLAឆ្នាំ២០២៨ ខាងមុខ លេខរៀងទី២០៤ គឺប្រទេសបារាំង ជាម្ចាស់ផ្ទះកីឡាអូឡាំពិកទីក្រុងប៉ារីសឆ្នាំ២០២៤ ហើយលេខរៀងទី២០៥គឺជាប្រទេសជប៉ុនដែរជាម្ចាស់ផ្ទះឆ្នាំ២០២០។
៦.សំរាប់ឆ្នាំនេះNOCប្រទេសកូរ៉េខាងជើងមិនចូលរួមកីឡាអូឡាំពិកហ្គេមទេ
អត្ថបទពាក់ព័ន្ធ៖ទស្សនាបន្ទប់ស្នាក់នៅរបស់អត្តពលិកកម្ពុជា ក្រោយទៅដល់ទីក្រុងតូក្យូ ត្រៀមប្រកួតអូឡាំពិក
៧.ពាក្យស្លោកកីឡាអូឡាំពិកឆ្នាំ២០២០ United by Emotion រឺមានន័យថាការរួបរួមដោយអារម្មណ៍តែមួយ ហើយសំរាប់កាបំផុសក្នុងបណ្តាញសង្គមវិញគឺតម្រូវអោយមានការវាយសញ្ញាទ្រុងជ្រូក #TogetherStronger
៨.នាក់ដែរឡើងធ្វើសច្ចាប្រណិធានរួមមានអត្តពលិក២រូប អជ្ញាកណ្តាល់២រូប គ្រូបង្វឹក២រូប ពាក្យសច្ចារប្រនិធានត្រូវបានប្រើដំបូងបង្អស់នៅពិធីបើកកីឡាអូឡាំពិកក្រុង Antwerp ប្រទេសប៊ែលហ្សិក ឆ្នាំ១៩២០ ដែរពាក្យសច្ចាប្រណិធាននេះសសេរឡើងដោយ លោកព្យែឌឺគូបូតាំង (Pierre De Coubertin ) បិតាស្ថាបនិកកីឡាអូឡាំពិកសម័យទំនើប
អត្ថបទពាក់ព័ន្ធ៖ឃាត់ខ្លួនបុរសម្នាក់ពាក់ព័ន្ធករណីរំលោភសេពសន្ថវៈក្នុងកីឡដ្ឋានបើកកីឡាអូឡាំពិកនៅតូក្យូ
៩.អ្នកស្មាក់កីឡាអូឡាំពិក តូក្យូ ឆ្នាំ២០២០ មានចំនួនជាង៧ម៉ឺននាក់ដែរពួកគេមានភារកិច្ចក្នុងការជួយទំនុបបំរុងរហូតដល់បញ្ចប់កម្មវិធីប្រកួត
១០.អ្នកតំណាងហែរទង់អូឡាំពិក គឺជាអ្នកកីឡាដំណាងមកពី៥ទ្វីបលើពិភពលោក រួមជាជនកីឡាជនភាសខ្លួនអូឡាំពិក ចំនួយ៦នាក់ហើយបញ្ជូនបន្តអោយទៅនាក់តំណាងប្រជាជនជប៉ុន ដែរមកពីគ្រប់អាជីពសរុប៦នាក់
១១.អ្នកតំណាងរត់ភ្លើងគប់អូឡាំពិក ចូលរូមដោយ អតីតអ្នកកីឡាអូឡាំពិកជប៉ុន ពេទ្យ កីឡាជនពិការ សិស្សានុសិស្សហើយបញ្ចប់ការដុតភ្លើងគប់ដោយកីឡាការិនីតេនីស ណាអូមិ អូសាកាក់
អត្ថបទពាក់ព័ន្ធ៖ទីក្រុង Brisbane របស់អូស្ត្រាលី ទទួលសិទ្ធិធ្វើជាម្ចាស់ផ្ទះព្រឹត្តិការណ៍កីឡាអូឡាំពិកឆ្នាំ២០៣២
១២.ចំនួនប្រភេទកីឡាដែររួមប្រកួតកីឡាអូឡាំពិកតូក្យួ មានចំនួន៣៣ដែរក្នុងនោះមាន២៨ Olympic Sports ដែរមានស្រាប់បន្ថែម ជាមួយ៥ប្រភេទកីឡាដែររួមមាន Baseball Softball, Karate ,Skateboard ,Sport Climbing and Surfing ក្នុងនោះ ក៏មានការបន្ថែម១៥វិញ្ញាសាក្នុងប្រភេទកីឡាអូឡាំពិក ដែរមានស្រាប់រួមមាន Basketball 3×3 ,BMX Freestyle កីឡារត់ 4×400ម៉ែត្រ ប្រភេទចំរុះប្រុស២ស្រី២,កីឡា Table tennis ប្រភេទវាយគូរចំរុះ។ល។
១៣.ចំនួននាក់កីឡាអូឡាំពិកតូក្យូ២០២០មានចំនួនប្រមាណ១ម៉ឺន១ពាន់៥រយនាក់ ដោយមានបុរស៥១%នារី៤៩% ហើយគួរបញ្ជាក់ដែរថាអត្តពលិកល្បីកំរិតពិភពលោកមួយចំនួនបានដកខ្លួនចេញពីការប្រតួតកីឡាអូឡាំពិកតូក្យួឆ្នាំ២០២០នេះ
១៤.ចំនួននាក់ទស្សនាស្មើ០ដោយសារវិបត្តជំងឺកូវីត-១៩ តម្រូវអោយគណកម្មការរៀបចំការប្រកួតហាមប្រាមអ្នកទស្សនាក្នុងនិងក្រៅស្រុកមិនអោយចូលរួមទស្សនាការប្រកួតនិងពិធីបើក ពិធីបិទការប្រកួតឡើយសំរាប់សំបុត្រដែរបានទិញហើយនិងត្រូវបានទូទាតជាសាច់ប្រាក់ជូនវិញ។
អត្ថបទពាក់ព័ន្ធ៖អូឡាំពិកប្រកួត៤ឆ្នាំម្តង តែកីឡាការិនីប្រេស៊ីលរូបនេះបង្ហាញខ្លួន៧សម័យកាលជាប់ៗគ្នា (មានវីដេអូ)
១៥.ប្រធានគណកម្មាធិការអូឡាំពិកអន្តជាតិ (IOC) THOMAS BACH បានមានប្រសាស៍ថាIOCមានគោលនយោបាយពិសេសជាមួយក្រុមហ៊ុនPfizer-BioNTech ក្នុងការចាក់វ៉ាក់សាំងដល់អត្តពលិកអូឡាំពិកទាំងអស់ដែរមិនទាន់ទទួលវ៉ាក់សាំងគ្រប់ដុសពីប្រទេសរបស់ខ្លួន ចាប់ពីថ្ងៃទី២៣ កក្កដា នេះតទៅ។
