ម្ចាស់មេដាយមាសស៊ីហ្គេម ឈុន ប៊ុនថន បានបញ្ជាក់ថា៖ «តាមការតាំងចិត្តរបស់ខ្ញុំធ្វើយ៉ាងណាប្រឹងប្រែងហ្វឹកហាត់នៅចិននេះឱ្យបានខ្លាំងក្លា ដើម្បីបំបែកកំណត់ត្រាថ្មីមួយ សម្រាប់ខ្លួនឯង និងធ្វើឱ្យបានល្អ ក្នុងការប្រកួតកីឡាស៊ី ដែលតែងតែធ្វើឡើងរៀងរាល់៤ឆ្នាំម្តង។ តាមរយៈការប្រឹងប្រែង និងការប្រកួតកីឡាអាស៊ី ដែលជាកម្រិតហ្គេមធំជាងគេប្រចាំទ្វីបអាស៊ីនេះ គឺជាការបើកផ្លូវមួយរបស់ខ្ញុំ ក្នុងការឈានឆ្ពោះទៅរកគោលដៅចូលរួមប្រកួតកីឡាអូឡាំពិក (Olympic Games) ដែលជាការប្រកួតដ៏ធំកម្រិតបច្ចេកទេសខ្ពស់បំផុតរបស់ពិភពលោករៀងរាល់៤ឆ្នាំម្តងដូចគ្នា នៅទីក្រុងប៉ារីស ប្រទេសបារំាង នាឆ្នាំ២០២៤ខាងមុខ»។
សូមបញ្ជាក់ដែរថា សម្រាប់អត្តពលិកកីឡាកម្ពុជា ចំនួន ១៧ប្រភេទកីឡា ដែលត្រូវចូលរួមព្រឹត្តិការណ៍កីឡាប្រចាំទ្វីបអាស៊ី ៤ឆ្នាំម្ដង ដែលលើកពីឆ្នាំ២០២២ មករៀបចំនៅ ឆ្នាំ២០២៣វិញ ក្នុងនេះរួមមាន កីឡាបាល់ទះ, បាល់បោះ, អត្តពលកម្ម, ហែលទឹក, គ្រិកឃីត, យូដូ, ចំបាប់, វាយសី, ជឺជីតស៊ូ, ការ៉ាតេ, ទូក ក្ដោង, តេក្វាន់ដូ WT, ទ្រីយ៉ាត្លុង, ទូកប្រពៃណី, សូហ្វតិន្នីស, អុកចិន និងកីឡាគុនដាវ។
ព្រឹត្តិការណ៍Asian Game តែងតែរៀបចំរាងរាល់ ៤ឆ្នាំ នៅតាមបណ្តាលប្រទេសដែលទទួលរៀបចំជាម្ចាស់ផ្ទះ ខណៈព្រឹត្តិការណ៍ក្នុងទ្វីបអាស៊ី មួយនេះបង្តើតឡើងដំបូងនៅឆ្នាំ១៩៥១ ដោយគ្រារនោះប្រទេសឥណ្ឌា ជាម្ចាស់ផ្ទះ។
គួរឱ្យដឹងដែរថា កីឡការ ឈុន ប៊ុនថន ម្ចាស់ជើងឯកលេខ ១ លើវិញ្ញាសារត់ចម្ងាយ ៨០០ ម៉ែត្រ និង ១,៥០០ ម៉ែត្រ ផ្នែកបុរស ក្នុងការប្រកួតកីឡាជាតិលើកទី ១ នៅកម្ពុជា ដណ្តើមបានមេដាយមាសលើវិញ្ញាសារត់ ចម្ងាយ៨០០ ម៉ែត្របុរស ក្នុងរយៈពេល ០១:៥២: ៩១០ នាទី តាមពីក្រោយដោយអត្តពលិកវៀតណាម Duc Phuoc Luong ក្នុងរយៈពេល០១:៥៣:៣៤០ នាទី និងអត្តពលិកម៉ាឡេស៊ី Wan Muhammad Fazri Wan Zahari ក្នុងរយៈពេល០១:៥៣:៨៦០នាទី៕
