អាហារដ្ឋានឯកទេសបាយមាន់ស្រែ ចៀនទន់ ចៀនស្រួយ ល្បីពេញខណ្ឌសែនសុខ

អាហារឆ្ងាញ់៖ អ្នកទាំងអស់គ្នាដែលចូលចិត្តញ៉ាំបាយមាន់ចៀន ឬក៏បាយមាន់ហៃណាំ និងចង់រកកន្លែងញ៉ាំឆ្ងាញ់ បែបបាយមាន់ស្រែ សាច់ផ្អែមមានជាតិមែនទេ? ថ្ងៃនេះសារព័ត៌មានត្រយងនឹងនាំអ្នកទាំងអស់គ្នាមកស្គាល់ហាងបាយមួយកន្លែង ដែលកន្លែងនេះគឺឯកទេសខាងមាន់ស្រែតែម្ដង។

ហាង «បាយមាន់សែនសុខ» គឺជាហាងដែលមានឯកទេសទៅលើផ្នែកចម្អិនសាច់មាន់ មិនថាចៀន ឬស្ងោរ គឺពិតជាប្រកបដោយបទពិសោធន៍ជាច្រើនឆ្នាំ និងធ្លាប់បានផ្ដល់ឱជារសឆ្ងាញ់ពិសាជាប់មាត់ដល់អតិថិជនជនរាប់ម៉ឺននាក់រួចមកហើយ។ ហាងបាយមាន់នៅខណ្ឌសែនសុខមួយនេះ ផ្ដោតសំខាន់ទៅលើរសជាតិរបស់សាច់មាន់ បើចំពោះមាន់ចៀនវិញ គឺចៀនទន់ ចៀនស្រួយ រក្សាបានរសជាតិផ្អែមពីធម្មជាតិ មិនប្ដូររសជាតិពិតៗ។ ចំពោះសាច់មាន់ស្ងោរ ស្បែកមិនប្រេះផុយ សាច់ទន់ល្មើយ ងាយស្រួលទំពារដោយការចម្អិនគឺមានរូបមន្តត្រឹមត្រូវច្បាស់លាស់។

បើអ្នកទាំងអស់គ្នាមកញ៉ាំបាយមាន់ស្រែនៅទីនេះ គឺមានច្រើនជម្រើសតាមចំណង់ចំណូលចិត្តដូចជា ភ្លៅដុំ ទ្រូង ស្លាប គ្រឿងក្នុង និងឈាមដែលចម្អិនជាមួយគ្រឿងទេសជាដើម។ សម្រាប់រសជាតិរបស់សាច់មាន់ និងបាយមាន់វិញគឺ មានរសជាតិឆ្ងាញ់ប្លែក រសជាតិដិត តែមិនប្រៃពេក និងធ្វើឱ្យទ្រលាន់ ។ ហើយបើនិយាយពីទឹកជ្រលក់នៅហាងនេះទៀតសោត មានរសជាតិ ជូរផ្អែមដិត ដែលមិនហឹរពេកទេ សូម្បីតែអ្នកមិនចេះញ៉ាំហឹរក៏ញ៉ាំបានដែរ។

ហាង «បាយមាន់សែនសុខ» មិនមែនផ្ដោតសំខាន់តែនៅលើរសជាតិមួយមុខទេ ចំពោះអនាម័យវិញក៏មិនអាចមើលរំលងបានដែរ។ បុគ្គលិកនៅក្នុងហាងទាំងអស់សុទ្ធតែយកចិត្តទុកដាក់លើអនាម័យ ទាំងអ្នករត់តុ ជាពិសេសចុងភៅ និងមានការលាងសម្អាតហាង និងចង្ក្រានជាប្រចាំ។ ជាពិសេសការវេចខ្ចប់បាយក៏ត្រូវបានគិតគូរទៅលើផ្នែកអនាម័យសុខភាពជាចំបង ដោយប្រើទ្រនាប់ស្លឹកចេកនៅក្នុងប្រអប់។

ក្រៅពីការមកញ៉ាំនៅហាងផ្ទាល់ហើយនោះ លោកអ្នកជាអតិថិជនក៏អាច ប្រើប្រាស់តាមរយៈសេវាកុម្ម៉ង់តាម APPដែលការដឹកជញ្ជូនដល់គ្រប់ទីតាំងដោយឥតគិតថ្លៃ។ ហើយទៅនេះក៏មានសេវាខ្ចប់ទៅតាម Budget ភ្ញៀវកុម្ម៉ង់ សម្រាប់ គ្រប់កម្មវិធីធំៗ ដូចជា ការប្រជុំ និងចុះបេសកកម្ម ឬដំណើរកំសាន្តតាមខេត្ត។ ចំណុចពិសេសមួយទៀតដែលភ្ញៀវគ្រប់គ្នាតែងតែលើកសរសើរមិនដាច់ពីមាត់នោះគឺ ទោះបីជាហាងបាយមាន់ស្រែសែនសុខលក់ដាច់ខ្លាំង មានភ្ញៀវសម្រុកចូលច្រើនយ៉ាងណាក៏ដោយ បុគ្គលិកនៅតែញញឹមរួសរាយរាក់ទាក់ មិនរង់ចាំយូរចំពោះការកុម្ម៉ង់ ពោលគឺសេវារហ័សទាន់ចិត្តតែម្ដង។ ហើយស្រឡាញ់ត្រង់តែទឹកកកនឹងហ្មង សុំបានៗអត់កំណាញ់ទេ!