ព្រឹត្តិការណ៍កីឡា Asian Games 2022 នៅទីក្រុង Hangzhou ប្រទេសចិន បានប្រារព្ធពិធីបើកជាផ្លូវការហើយ កាលពីរាត្រីថ្ងៃទី២៣ កញ្ញា ដោយមានវត្តមាន ៤៥ប្រទេស ក្នុងទ្វីបអាស៊ីចូលរួមក្នុងព្រឹត្តិការណ៍មួយនេះ។ ខណៈដែលកម្ពុជាបានបញ្ជូនប្រតិភូកីឡាសរុប ១៨៩នាក់ ក្នុងនោះអត្ដពលិកចំនួន ១១៤នាក់ ទៅលើ១៧ប្រភេទកីឡា។
នេះគឺជា Video Highlights ព្រះរាជវត្តមានរបស់ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ដែលត្រូវបានម្ចាស់ផ្ទះចិន ស្ដេចយាងព្រះអង្គ ជាភ្ញៀវកិត្តិយសពិសេស ក្នុងពិធីបើកព្រឹត្តិការណ៍កីឡាអាស៊ី(Asian Games) លើកទី១៩ និង ការដង្ហែរក្បួនរបស់ប្រតិភូ អត្តពលិកកម្ពុជាកាលពីយប់មិញទាំអស់គ្នា។
ព្រឹត្តិការណ៍នៃការប្រកួត Asian Games ឆ្នាំ២០២២ តែលើកមកធ្វើនៅឆ្នាំ២០២៣ ធ្វើឡើងនៅទីក្រុង Hangzhou ប្រទេសចិន ចាប់ពីថ្ងៃទី២៣ ខែកញ្ញា ឆ្នាំ២០២៣ រហូតដល់ថ្ងៃទី៨ ខែតុលា ឆ្នាំ២០២៣ លើ៤៨២វិញ្ញាសា ៤០ប្រទេសកីឡា។ ព្រឹត្តិការណ៍កីឡាកម្រិតទ្វីបអាស៊ី Asian Games រៀបចំឡើងដំបូងតាំងពីឆ្នាំ១៩៥១ មកម៉្លេះ ពោលគឺរាល់៤ឆ្នាំម្តង ស្របពេលដែលឆ្នាំ២០២៣៕
