តារាសម្ដែងស្រីវ័យក្មេង កញ្ញា ប៊ូ ចាន់ដាណែត បានចេញមកបង្ហោះសំណេរគួរឱ្យសង្ស័យមួយពាក់ព័ន្ធនឹងរឿងរៀបការដែលធ្វើឱ្យមហាជនមានការភ្ញាំក់ផ្អើលថែមទាំងសង្ស័យទៀតថា តារាស្រីរូបនេះអាចកំពុងគិតពីបញ្ហាអនាគតនៃជីវិតគូ ឬក៏មានអ្នកណាម្នាក់កំពុងចង់ចងស្ពានមេត្រីជាមួយនឹងស្រីស្រស់រូបនេះទេដឹង?
តាមរយៈការបង្ហោះរបស់កញ្ញា ប៊ូ ចាន់ដាណែត ហៅ Abby នៅលើបណ្ដាញសង្គមហ្វេសប៊ុកបានសរសេររៀបរាប់ពាក់ព័ន្ធនឹងរឿងរៀបការដែលក្នុងសំណេរនោះកញ្ញា ហាក់មិនបានឱ្យតម្លៃទៅលើការរៀបការលឿននោះទេ ព្រោះកញ្ញាហាក់យល់ថាអាចជាការលះបង់ក្ដីសុខ និងការប្រថុយទៅវិញ ដោយកញ្ញាបានលើកឡើងថាមនុស្សមានការប្រែប្រួល គ្រប់វិនាទី ដូច្នេះមិនគួររកសេចក្ដីសុខរបស់ខ្លួនទៅលះបង់នោះទេ។
«រៀបការ? លឺពាក្យថា រៀបការរំភើបណាស់មែនទេ? បច្ចេកវិទ្យាអភិវឌ្ឍទៅមុខ ជឿនលឿនឥតឈប់ឈរ មនុស្សក៏កាន់តែភ្លើតភ្លើន ជ្រួលជ្រើម អ្វីក៏ដឹង អ្វីក៏ស្គាល់ តើអ្នកនៅចង់យកសេរីភាព និងក្តីសុខខ្លួនឯងទៅលះបង់ ហើយប្រថុយទៀតមែនទេ? ជីវិតក្រោយរៀបការ ដូចចាប់ឆ្នោតផ្សងសំណាង អ្នកមិនអាចប្រាកដចិត្តទេថា អ្នកអាចត្រូវ រឺមួយខុសនោះ។ រៀបការលឿនរឺយឺតមិនសំខាន់ សំខាន់នោះ តើយើងហ៊ានប្រថុយទេ? ចិត្តមនុស្សប្រែប្រួលគ្រប់វិនាទី សូម្បីខ្លួនអ្នកផ្ទាល់ នៅសន្យា ហើយកុហកខ្លួនឯងផង ចុះទម្រាំអ្នកដទៃទៀតនោះ?»
យ៉ាងណាមិញការលើកឡើងរបស់កញ្ញា Abby បានធ្វើឱ្យមហាជនមានការចាប់អារម្មណ៍ខ្លាំងថាកញ្ញាអាចនឹងសំដៅទៅដល់អាពាហ៍ពិពាហ៍របស់ខ្លួនកញ្ញាក៏ថាបាន ឬអាចនឹងមានអ្នកណាម្នាក់កំពុងតែចង់ចូលមកចែចូវភ្ជាប់ស្ពាននិស្ស័យជាមួយនឹងតារាសម្ដែងស្អាតរូបនេះ។
ងាកមកការលើកឡើងរបស់កញ្ញាខាងលើក៏ថ្វីត្បិតតែមានមតិខ្លះមានការយល់ស្របចំពោះទស្សនៈកញ្ញា ប៉ុន្តែក៏មានអ្នកបញ្ចេញមតិមួយចំនួនមិនបានយល់ស្របចំពោះការលើកឡើងរបស់កញ្ញានោះឡើយ៕
ទស្សនាវីដេអូព័ត៌មានកញ្ញា ប៊ូ ចាន់ដាណែត ខាងក្រោម៖