Thursday, December 8 Login

ក្រោយ​ស្ថិត​ក្នុង​ចំណោម​បុគ្គល​មាន​ហានិភ័យ​ខ្ពស់​បាន​ជួប​ប្រាស្រ័យ​ជាមួយ​នឹង​អ្នក​កើត​ជំងឺ​កូវីដ​-១៩​ Pinkploy បាន​ប្រញាប់​ទៅ​ធ្វើ​តេស្ដ​ជា​បន្ទាន់​ហើយ​លទ្ធផល​បង្ហាញ​ថា​មាន​វិជ្ជមាន​ជំងឺ​កូវីដ​-១៩​ ខណៈ​នេះ​កំពុង​តែ​រៀបចំ​សំលៀកបំពាក់​រង់ចាំ​រថយន្ត​សង្គ្រោះ​មក​ដឹក​ទៅ​សំរាក​ព្យាបាល​នៅ​មន្ទីរពេទ្យ​។

យោងតាម​ការ​បង្ហោះ​លើ​គណនី​ IG របស់​ Pinkploy បាន​ឱ្យ​ដឹង​ថា​ខណៈ​នេះ​រូប​កញ្ញា​បាន​មានវិជ្ជមាន​ជំងឺកូវីដ-១៩​ហើយ​កំពុង​រង់ចាំ​ក្រុម​គ្រូពេទ្យ​មក​ដឹក​ទៅ​សំរាក​ព្យាបាល​នៅ​មន្ទីរពេទ្យ​នឹង​ស្នើ​សុំ​ឱ្យ​អ្នក​ដែល​ធ្លាប់​បាន​ជួប​ទាំង​ផ្ទាល់​និង​ប្រយោល​ជាមួយ​កញ្ញាប្រញាប់​ទៅ​ធ្វើ​តេស្តិ​ជា​បន្ទាន់​។តួ​ឯក​ស្រី​រៀង​ «លេខ​កូដ​ស្នេហ៍​» ក៏​សុំ​ទោស​ចំពោះ​មិត្ត​រួម​ការងារ​គ្រប់​គ្នា​ដែល​ធ្វើ​ឱ្យ​មាន​ការ​ប៉ះពាល់​ដល់​ការ​ងារថត​និង​សម្ដែង​ជាងនោះ​ទៀត​កញ្ញា​កុំ​បន់​ស្រន់​ឱ្យ​អ្នក​គ្រប់​គ្នា​មាន​សុវត្ថិភាព​។

​​​​ក្រោយ​ប្រកាស​ដំណឹង​ឆ្លង​ជំងឺ​កូវីដ​-១៩​លើ​គណនី​ផ្ទាល់​ខ្លួន​រួច​មាន​អ្នក​គាំទ្រ​ជា​ច្រើន​នាក់​បាន​ចូល​មក​និយាយ​លើក​ទឹកចិត្ត​និង​ជូនពរ​ឱ្យ​តារា​សម្ដែង​ស្រី​រូប​នេះ​ឆាប់​បាន​ជា​សះ​ស្បើយ​និង​ត្រលប់​មក​មាន​សុខភាព​ល្អ​វិញ​ឆាប់​ៗនេះ៕

Share.

Leave A Reply