តារាចម្រៀង ម៉ិចស៊ិក អ្នកនាង Natalia Alexandra Gutiérrez Batista ដែលមានឈ្មោះក្នុងសិល្បៈ Natti Natasha បានធ្វើឱ្យមហាជនកោតសរសើរយ៉ាងខ្លាំងពីភាពក្លាហានរបស់អ្នកម្ដាយដែលស្ពាយពោះប៉ុនកញ្ជើ តែនៅអាចមកបទចម្រៀង រាំ សម្ដែងបែប Live បានយ៉ាងល្អ គួរជាទីទាក់ទាញ ក្នុងកម្មវិធីល្បីរបស់អាមេរិក The Tonight Show ដែលដំណើរការកម្មវិធីដោយលោក Jimmy Fallon ពិធីករដ៏ល្បីមួយរូប។
បទចម្រៀង RAM PAM PAM ដែលច្រៀងរួមគ្នា Natti Natasha ជាមួយ Becky G នៅក្នុងកម្មវិធី The Tonight Show ទាក់ទាញបានការចាប់អារម្មណ៍យ៉ាងខ្លាំងពីសំណាក់មហាជន ដោយភាគច្រើនមានការសរសើរខ្លាំងទៅលើអ្នកម្ដាយពពោះជិតគ្រប់ខែប៉ុនកញ្ជើរូបនេះ ដែលនៅតែអាចច្រៀង រាំ និងបញ្ចេញកាយវិការបានយ៉ាងរស់រវើក គ្មានចំណុចណាមួយធ្វើឱ្យអ្នកទស្សនារិះគន់បាននោះទេ។
តារាចម្រៀងនិងជាអ្នកនិពន្ធបទចម្រៀងដូមីនីក វ័យ៣៤ ឆ្នាំ Natti បានត្រលប់មកចាប់ដៃគូច្រៀងរួមជាមួយនឹងតារាចម្រៀងរ៉េបកូនកាត់អាមេរិក ម៉ិកស៊ិក វ័យ ២៤ឆ្នាំ Becky G ឡើងវិញក្រោយធ្លាប់បានសហការយ៉ាងជោគជ័យម្ដងរួចមកហើយកាលពី ៤ ឆ្នាំ ក្នុងបទចម្រៀងល្បី «Sin Pijama»។
Natti Natashi កើតនៅថ្ងៃទី១០ ខែធ្នូ ឆ្នាំ១៩៨៦ គឺជាតារាចម្រៀងជនជាតិ ម៉ិកស៊ិក គឺជាតារាចម្រៀង និង ជាអ្នកនិពន្ធចម្រៀង ដែលបានចុះហត្ថលេខា Don Omar ជាផលិតកម្មចម្រៀង នៅក្រោមសម្ព័ន្ធ Orfanato Music Group។ បទចម្រៀងដំបូងរបស់អ្នកនាង «All about Me» បានចេញដំបូងកាលពីថ្ងៃទី ២៨ ខែមីនា ឆ្នាំ២០១២៕
ទស្សនាវីដេអូចម្រៀង Ram Pam Pam ខាងក្រោមនេះ៖