ព្រឹត្តិការណ៍ Asian Para Games លើកទី៤ នៅទីក្រុង Hangzhou ប្រទេសចិន បានធ្វើពិធីបើកជាផ្លូវការ កាលពីរាត្រីថ្ងៃទី២២ ខែតុលា ឆ្នាំ២០២៣។ កីឡាអាស៊ីប៉ារ៉ាហ្គេម លើកទី៤ ឆ្នាំនេះ មានចំនួន២២ប្រភេទកីឡា ស្មើនឹង ៥៦៦វិញ្ញាសា ដាក់ឲ្យបណ្តាប្រទេសក្នុងទ្វីបអាស៊ីប្រជែងមេដាយ។
គួរបញ្ជាក់ថា កម្ពុជា បានបញ្ជូនអត្តពលិកចំនួន៦ ប្រភេទកីឡា ទៅប្រកួត Asian Para Games ឆ្នាំនេះរួមមាន អត្តពលកម្ម ហែលទឹក វាយកូនឃ្លីលើតុ បាល់ទះអង្គុយ បាល់បោះជិះរទេះ និងកីឡាវាយសី។
ក្នុងចំណោម ៦ប្រភេទកីឡានេះ គឺមានកីឡាជាក្រុមចំនួន២ គឺក្រុមបាល់ទះអង្គុយ បុរស៨នាក់ និងកីឡាបាល់បោះជិះរទេះ នារី ១២នាក់ ចំណែកឯ ៤ប្រភេទកីឡាទៀត មានអត្តពលិកម្នាក់ៗដូចៗគ្នា៕
