ក្រុមចម្រៀងបុរសរបស់ប្រទេសវៀតណាម FOR7 ក្រុមចម្រៀងទើបបង្កើតថ្មីត្រូវបានរងការចោទប្រកាន់ពីហ្វេនថាលួចចម្លងតាមគំនិតដើមរបស់ក្រុមចម្រៀងកូរ៉េដ៏ល្បី GOT7។
បទចម្រៀងដែលបង្កឱ្យមានបញ្ហាចម្រូងចម្រាសនេះ បានចេញកាលពីថ្ងៃទី២៦ ខែកក្កដា ឆ្នាំ២០២១ ដោយក្រុមចម្រៀងបុរសថ្មីរបស់វៀតណាម FOR7 បានទម្លាក់ចេញវីដេអូផ្សព្វផ្សាយបទចម្រៀងខ្លីមួយមុននឹងបញ្ចេញបទចម្រៀងពេញរបស់ក្រុមខ្លួន «EM KHÔNG HƯ ANH KHÔNG YÊU» រយៈពេលត្រឹមតែ៣៥ វិនាទី ប៉ុន្តែបែរជាត្រូវបានអ្នកគាំទ្រមើលឃើញថាមានឈុតឆាកមួយចំនួនដូចទៅនឹងបទចម្រៀង «Poison» របស់ក្រុម GOT7។
បន្ទាប់ពីក្រុមអ្នកគាំទ្រតន្ត្រី K-Pop មនុស្សកាន់តែច្រើនឡើងបានចោទប្រកាន់ទៅលើក្រុមវៀតណាម FOR7 ថាបានចម្លងតាមគោលគំំនិត (Concept) របស់ក្រុម GOT7 ព្រោះសូម្បីតែឈ្មោះរបស់ក្រុមក៏ធ្វើឱ្យអ្នកគាំទ្រមានការសង្ស័យស្រេចទៅហើយ។
ក្នុងវីដេអូរបស់ក្រុមទាំងពីរគឺមាន Concept ដែលបង្ហាញពីបន្ទប់ទទេស្អាត និងទ្វារបិទ Logo ជាមួយនឹងភ្លើងដែលប្ដូរពណ៌ទៅតាមចង្វាក់រាំថែមទៀត។
បន្ថែមលើសពីនោះបទចម្រៀង «Poison» សមាជិកក្រុម GOT7 ដើរចូលក្នុងទ្វារម្ដងមួយៗហើយមុននឹងដើរចូលទ្វារងាយមកសម្លឹងកាំមេរ៉ា ដោយឆាកនេះនៅក្នុងបទចម្រៀងរបស់ FOR4 «EM KHÔNG HƯ ANH KHÔNG YÊU» ក៏មានដូចគ្នាគ្រាន់តែខុសពណ៌ទ្វារនិងសំលៀកបំពាក់តែប៉ុណ្ណោះ។
ក្នុងនោះដែរ មានមនុស្សមួយចំនួនបានអះអាងថា ក្បាច់រាំខ្លះៗក្នុងបទចម្រៀង «Poison» របស់ GOT7 ក៏ត្រូវបានក្រុមវៀតណាមខាងលើចម្លងតាមដូចគ្នាដែរ។
មុននេះក្រុមចម្រៀងបុរស FOR4 ធ្លាប់រងការចោទប្រកាន់ម្ដងរួចមកហើយថាបានលួចចម្លង Concept បទចម្រៀង «You Calling My Name» ដាក់នៅក្នុងបទចម្រៀងដំបូងបង្អស់ដែលក្រុមនេះបានបញ្ចេញដាក់លើទីផ្សារជាលើកដំបូង «ANH ĐỨNG ĐÂY TỪ CHIỀU» ជាបទមាន Beat ដូចទៅនឹងតន្ត្រី K-Pop កូរ៉េ។
និយាយរួម «Breath of Love: The Last Piece» របស់ GOT7 ត្រូវបានគេមើលឃើញថាមានលក្ខណៈស្រដៀងគ្នាច្រើនទៅនឹងបទចម្រៀងត្រៀមបញ្ចេញថ្មីរបស់ FOR4 «EM KHÔNG HƯ ANH KHÔNG YÊU»
ហ្វេនភាគច្រើនមិនសូវជាសប្បាយចិត្តនឹងក្រុមបុរសវៀតណាមមួយនេះប៉ុន្មាននោះទេ ព្រោះក្រុមក្មេងខ្ចីនេះទើបតែចេញបទចម្រៀងទើបបានពីរប៉ុណ្ណោះ តែបទទាំងពីរនេះគឺដូចទៅនឹងបទចម្រៀងរបស់ GOT7 យ៉ាងខ្លាំងតែម្ដង។
ងាកមកម្ចាស់សាមីបទចម្រៀង ក្រុម GOT7 នៅមិនទាន់ចេញមកឆ្លើយតប ឬយល់ឃើញបែបណាឡើយចំពោះករណីលួចចម្លងស្នាដៃដែលមានការពាក់ព័ន្ធនឹងក្រុមវៀតណាម FOR7 នៅឡើយទេ។
បទចម្រៀងដើម «Poison» របស់ក្រុមចម្រៀង GOT7 ៖
បទចម្រៀង «EM KHÔNG HƯ ANH KHÔNG YÊU» របស់ក្រុមចម្រៀង FOR7 ៖