កីឡាករកីឡាការិនី កីឡាហែលទឹកកម្ពុជា បានបញ្ចប់កម្មវិធីប្រកួតរួចរាល់ហើយនៅល្ងាចថ្ងៃសុក្រ ទី៣០ ខែកក្កដា ឆ្នាំ២០២១ នេះ ក្នុងព្រឹត្តិការណ៍កីឡាអូឡាំពិក Olympic Games 2020 នៅមជ្ឈមណ្ឌលកីឡាហែលទឹក Tokyo Aquatics Centre។
កីឡាករ ហែម ប៉ុច ហែលក្នុងវិញ្ញាសារ៥០ម៉ែត្រសេរី ធ្វើបានថេរៈវេលា ២៤:៩១ បំបែកថេរៈវេលាចាស់ដែលធ្វើនៅស៊ីហ្គេមនៅហ្វីលីពីន ២៤:៩២ ទទួលបានចំណាត់លេខ៤ក្នុង Heat ហើយមានចំណាត់ថ្នាក់រួមទី៥២ ក្នុងចំណោមកីឡា៧៣នាក់ មិនអាចបន្តទៅវគ្គពាក់កណ្តាលផ្តាច់ព្រ័ត្រទេ។
សំរាប់កីឡាការិនីឃឿន ប៊ុនពេជ្រមរកត ហែលក្នុងវិញ្ញាសារ៥០ម៉ែត្រសេរី ធ្វើបានថេរៈវេលា ២៩:៤២ បំបែកថេរវេលាចាស់ ២៩:៩៩ នៅស៊ីហ្គេមហ្វីលីពីនទទួលបានចំណាត់លេខ៣ក្នុង Heat ហើយមានចំណាត់ថ្នាក់រួមទី៦៥ក្នុងចំណោម ៨១អ្នក មិនអាចបន្តទៅវគ្គពាក់កណ្តាលផ្តាច់ព្រ័ត្រទេ។
