នៅថ្ងៃទី៣១ ខែ កក្កដា ឆ្នាំ២០២១ ចំថ្ងៃនឹងថ្ងៃសៅរ៍ កម្មវិធីប្រកួតស្រីស្អាត Miss Wisdom Cambodia ដើម្បីតំណាងប្រទេសកម្ពុជាចេញទៅប្រកួតនៅប្រទេសវៀតណាម បានរកឃើញម្ចាស់មកុដនិងម្ចាស់តំណែងស្រីស្អាត Miss Wisdom Cambodia 2021 ហើយ។
ការប្រកួតដែលមាន Live លើ Facebook Fan Page របស់កម្មវិធី MWC (Miss Wisdom Cambodia) រយៈពេល ៣ម៉ោងពេញ នៅពេលនេះកម្ពុជាបានរកឃើញម្ចាស់មកុដជ័យលាភីជាកញ្ញាឯកប្រចាំកម្មវិធីហើយ ដោយស្រីស្អាតម្នាក់នោះគឺជាបេក្ខនារីដែលមានឈ្មោះថា ហុក សារិតុលា។
ក្នុងចំណោមស្រីស្អាត ៥រូបចុងក្រោយដែលត្រូវបានកម្មវិធីជ្រើសរើសសម្រាប់ការប្រកួតវគ្គផ្ដាច់ព្រ័ត្រកញ្ញាឯក Miss Wisdom មានស្រីស្អាតមកពី ខេត្ត តាកែវ ខេត្ត កំពង់ចាម ខេត្ត កំពង់ស្ពឺ ខេត្ត បាត់ដំបង និងរាជធានីភ្នំពេញ។
គួរដឹងដែរថាកញ្ញា ហុក សារិតុលា មានកម្ពស់១.៧០ គឺជាបេក្ខនារីតំណាងឱ្យខេត្ត បាត់ដំបង ហើយក៏ជាម្ចាស់ជ័យលាភី កញ្ញាឯក ឆ្លាតវៃនៃកម្ពុជា Miss Wisdom Cambodia ផងដែរ៕
