កាលពីថ្ងៃទី៥ ខែសីហា ឆ្នាំ២០២១ តារាចម្រៀងរូបសង្ហា Xiumin សមាជិកមួយរូបរបស់ក្រុមចម្រៀងកូរ៉េ EXO របស់ផលិតកម្ម SM Entertainment បានរកឃើញថាបានតេស្តវិជ្ជមានជំងឺ Covid-19 នេះបើយោងតាមការប្រកាសពីផលិតកម្មគ្រប់គ្រងលើតារាចម្រៀងមួយនេះ។
ផលិតកម្ម SM Entertainment បានប្រកាសរឿងរ៉ាវដែលតារាចម្រៀងរបស់ផលិតកម្មខ្លួនបានឆ្លងនិងជំងឺកូវីដ-១៩ កាលពីម្សិលមិញដោយមានសេចក្ដីរៀបរាប់យ៉ាងលម្អិតថា៖
Xiumin បានឆ្លងជំងឺកូវីដ-១៩ និងបានបង្ហាញអាការៈជំងឺ នៅថ្ងៃទី៥ ខែសីហា ឆ្នាំ២០២១ នេះតែម្ដង។ នៅថ្ងៃទី ២៩ ខែកក្កដា ឆ្នាំ ២០១៩ Xiumin បានទៅធ្វើតេស្ត Covid-19 តាមម៉ាស៊ីន PCR ដើម្បីត្រៀមសម្រាប់ការហ្វឹកហាត់ ល្ខោនតន្ត្រីរបស់លោកប៉ុន្តែលទ្ធផលអវិជ្ជមាន។ យ៉ាងណាមិញនៅថ្ងៃទី៤ Xiumin បានធ្វើការតេស្ត PCR ម្ដងទៀតនៅថ្ងៃទី៤ ខែសីហា ដោយសារតែអាការៈសុខភាពរបស់លោកមានភាពប្រែប្រួល ហើយនៅថ្ងៃទី៥ ចេញអាការៈរោគតែម្ដង។
ជាលទ្ធផល សមាជិក EXO និងក្រុមការងារទាំងអស់បានធ្វើតេស្តរកជំងឺកូវីដ-១៩ ហើយគ្រប់គ្នាកំពុងតែធ្វើចត្តាឡីស័យដើម្បីរង់ចាំស្ដាប់លទ្ធផល។ ដំណឹងនេះបានធ្វើឱ្យកម្មវិធិផ្សព្វផ្សាយដែលមាន Xiumin ចូលរួមទាំងអស់ត្រូវបានពន្យារពេល។ សមាជិកទាំងអស់ព្រមទាំងតួអង្គក្នុងល្ខោនបែបតន្ត្រីដែល «Hadestown» កំពុងតែហ្វឹកហាត់សម្ដែងថ្មីៗនេះចាំបាច់ត្រូវតេស្ដរកជំងឺកូវីដ-១៩ គ្រប់គ្នា។
បច្ចុប្បន្ននេះ Xiumin បានផ្អាករាល់សកម្មភាពការងាររបស់គាត់ទាំងអស់ភ្លាមៗ ហើយអនុវត្តតាមសេចក្ដិណែនាំរបស់អាជ្ញាធរសុខាភិបាល និងធ្វើយ៉ាងណាឱ្យឆាប់បានជាសះស្បើយឡើងវិញឱ្យបានឆាប់រហ័ស។
គួរដឹងថា Xiumin សមាជិកក្រុមចម្រៀងបុរស EXO គឺជាតារាចម្រៀង តារាសម្ដែងកូរ៉េខាងត្បូង កើតនៅថ្ងៃតី២៦ ខែមីនា ឆ្នាំ១៩៩០ មានឈ្មោះកំណើត Kim Min Seok ៕
