ខ្សែការពារ Sasalak Haiprakhon របស់ថៃ ត្រូវលោកគ្រូបង្វឹក Kim Sang-Sik ដាក់ឱ្យចូលលេងត្រឹម៣នាទីចុងក្រោយ ឱ្យក្លិបបាល់ទាត់ Jeonbuk Hyundai Motors នៅលីគកំពូលកូរ៉េខាងត្បូង (K-League) ក្នុងសប្ដាហ៍ទី២៣ ដែលធ្វើឡើងនៅល្ងាចថ្ងៃសៅរ៍ ទី៧ ខែសីហា ឆ្នាំ២០២១ នេះ
កីឡាករ Sasalak Haiprakhon ត្រូវបានប្តូរចូលជំនួសកីឡាករកូរ៉េខាងត្បូង Song Min-Kyu នៅនាទី៩០+២ ខណៈម៉ោងបន្ថែមមាន៥នាទី។ ការប្តូរចូលនេះគឺចំពេលដែលក្រុមម្ចាស់ផ្ទះបាននាំមុខក្រុម Daegu ដោយលទ្ធផល២ទល់១ រួចហើយ រហូតដល់ចប់ការប្រកួតលទ្ធផលនៅរក្សាដដែល។
អត្ថបទពាក់ព័ន្ធ៖ខ្សែការពារឆ្វេងនៅ Jeonbuk មាន៣រូបហើយ តើSasalak មានឱកាសលេងបានកម្រិតណា?
សូមបញ្ជាក់ថាកីឡាករ Sasalak Haiprakhon បានចុះកិច្ចសន្យាផ្លូវការពាក់អាវលេខ២៨ ជាមួយក្រុម Jeonbuk Hyundai Motors រយៈពេល៦ខែ កាលពីថ្ងៃទី៦ ខែកក្កដា ក្រោយធ្វើដំណើរទៅដល់កីឡដ្ឋាន Jeonju World Cup Stadium ក្នុងទីក្រុង Jeonju របស់កូរ៉េខាងត្បូង៕
