ទស្សនាវដី្តរបស់អ៊ីតាលី Il Messaggero បានបញ្ជាក់ថាប្រទេសខ្លួនចង់ដេញសិទ្ធិធ្វើជាម្ចាស់ផ្ទះក្នុងការប្រកួតព្រឹត្តិការណ៍កីឡាបាល់ទាត់ជើងឯកប្រចាំទ្វីប UEFA Euros 2028 និងព្រឹត្តិការណ៍ប្រកួតបាល់ទាត់ជើងឯកពិភពលោក FIFA World Cup 2030។
លោក Giovanni Malagò ប្រធានគណៈកម្មាធិការជាតិអូឡាំពិកអ៊ីតាលី បញ្ជាក់ថាភាគីអ៊ីតាលី កំពុងតែរៀបចំឯកសារដើម្បីដេញសិទ្ធិធ្វើជាម្ចាស់ផ្ទះក្នុងព្រឹត្តិការណ៍ប្រកួតបាល់ទាត់ធំៗទាំង២នេះជាប់ៗគ្នា ក្រោយក្រុមជម្រើសជាតិខ្លួនបង្ហាញសមទ្ធិផលដ៏ល្អក្នុងការប្រកួត UEFA Euros កាលពីពេលថ្មីៗ។
អត្ថបទពាក់ព័ន្ធ៖លោកតាវ័យ១០១ឆ្នាំបានឃើញ អ៊ីតាលី ឈ្នះពាន World Cup និង EURO គ្រប់សម័យកាល
ម្ចាស់ជើងឯកអ៊ីតាលី ទទួលបានឱកាសរៀបចំពិធីបើកព្រឹត្តិការណ៍កីឡា UEFA Euros ឆ្នាំ២០២០ កាលពីពេលថ្មីៗ នៅកីឡដ្ឋាន Stadio Olimpico ក្នុងទីក្រុង Rome ព្រមទាំងការប្រកួតមួយចំនួន អំឡុងពេលដែលទ្វីបអឺរ៉ុប ទាំងមូលត្រូវធ្វើម្ចាស់ផ្ទះព្រោះតែមានការឆ្លងរីករាលដាលនៃជំងឺកូវីដ-១៩។
អត្ថបទពាក់ព័ន្ធ៖សហព័ន្ធបាល់ទាត់ទ្វីបអាហ្វ្រិក គាំទ្រគំនិតប្រកួត World Cup ២ឆ្នាំម្តង ព្រោះចំណេញខ្លាំង
ការប្រកួតកីឡាបាល់ទាត់ជើងឯកទ្វីបអឺរ៉ុប រៀបចំរាល់៤ឆ្នាំម្តង ខណៈឆ្នាំ២០២៤ នឹងធ្វើឡើងនៅប្រទេសអាល្លឺម៉ង់ ហើយនៅឆ្នាំ២០២៨ នៅមិនទាន់កំណត់ប្រទេសធ្វើជាម្ចាស់ផ្ទះនោះទេ។ ដោយការប្រកួតជើងឯកពិភពលោកក៏ធ្វើរាល់៤ឆ្នាំម្ដងដែរ ដោយឆ្នាំ២០២២ ខាងមុខធ្វើនៅប្រទេសកាតារ ហើយឆ្នាំ២០២៦ មានកាណាដា ម៉ិចស៊ីកូ និងអាមេរិក ជាសហម្ចាស់ផ្ទះ ខណៈឆ្នាំ២០៣០ នៅមិនទាន់បោះឆ្នោតសម្រេចនោះទេ។
អត្ថបទពាក់ព័ន្ធ៖អាជ្ញាកណ្ដាលវគ្គផ្ដាច់ព្រ័ត្រ UEFA EURO រវាងអង់គ្លេសនិងអ៊ីតាលី ប្រកាសចូលនិវត្តន៍
អ៊ីតាលី ធ្លាប់ធ្វើម្ចាស់ផ្ទះជើងឯកទ្វីបអឺរ៉ុប ចំនួន២លើក គឺនៅឆ្នាំ១៩៦៨ និងឆ្នាំ១៩៨០ ហើយធ្លាប់ឈ្នះជើងឯក២លើកដែរនៅឆ្នាំ១៩៦៨ និងឆ្នាំ២០២០ ខណៈពានរង្វាន់ជើងឯកពិភពលោក ធ្លាប់ទទួលធ្វើម្ចាស់ផ្ទះ២លើកដែរគឺនៅឆ្នាំ១៩៣៤ និងឆ្នាំ១៩៩០ ព្រមទាំងធ្លាប់ឈ្នះជើងឯកដល់ទៅ៤លើកគឺនៅឆ្នាំ១៩៣៤,១៩៣៨,១៩៨២ និងឆ្នាំ២០០៦៕
