រូបភាពមួយសន្លឹករបស់តារាសម្ដែងល្បីចិន Zhang Zhehan បានថតនៅខាងមុខស្ដូប Yasukumi ជាទីតំកល់វីរៈភាពទាហានជប៉ុនដែលបានបាត់បង់ជីវិតដោយសង្គ្រាម តែជនជាតិចិនចាត់ទុកថាជាឧក្រិដ្ឋជនសង្គ្រាមដ៏សែនយង់ឃ្នង។ មិនត្រឹមតែប៉ុណ្ណេះរូបភាព Zhang Zhehan ទៅចូលរួមមង្គលការនៅស្ដូប Nogi ទីកន្លែងល្បីមួយទៀតដែលកសាងឡើងដើម្បីរំលឹកដល់កិត្តិស័ព្ទរបស់ទាហានជប៉ុនដែលជនជាតិចិនបានឱ្យតម្លៃថាឈ្លានពានជនជាតិចិនក្នុងសម័យសង្គ្រាមលោកលើកទីពីរ។
សូមចុចអាន បុកចាប់.ខ្លួនតារាល្បីចិនកណ្ដាលយប់ពីបទសង្ស័យរំលោ.ភញ៉ាំ.ញីនារីរង.គ្រោះ!
សារព័ត៌មានចិនបានធ្វើការរិះគន់ចំពោះតារារូបនេះដែលមិនបានឱ្យតម្លៃលើប្រវត្តិសាស្ត្រជាតិនិងភាពឈឺចាប់របស់ប្រជាជនចិន ដោយលើកឡើងថាតារារូបនេះគួរតែទទួលរងនូវការដាក់ទណ្ឌកម្មមួយដ៏ស័ក្ដិសមចំពោះអ្វីដែលគេបានមើលរំលងភាពថ្លៃថ្នូររបស់ប្រទេសជាតិ។
សូមចុចអាន មហាជនទាមទារសើរើរឿងក្ដីតារាស្រី Ren Jiao ធ្លាក់ពីលើអគារយ៉ាងអាថ៌កំបាំងឡើងវិញ!
ក្រោយផុសរបស់សារព័ត៌មាននៅលើ Twitter-Weibo កាលពីថ្ងៃសុក្រ ទី១៣ ខែសីហា ឆ្នាំ២០២១ ត្រឹមម៉ោង១០យប់មានក្រុមហ៊ុនចំនួន២០ដែលធ្លាប់បានសហការជាមួយនឹង Zhang Zhehan បានប្រកាសដកខ្លួនព្រមទាំងបញ្ចប់កុងត្រាជាមួយនឹងតារារូបនេះ។ ក្នុងនោះមានក្រុមហ៊ុនផលិតផលភេសជ្ជៈ ក្រុមហ៊ុនផលិតអាហារ ក្រុមហ៊ុនគ្រឿងអលង្ការ ក្រុមហ៊ុនផលិតក្រណាត់ជាដើម។
ក្នុងនោះសូម្បីតែភាពយន្តខ្នាតធំរឿងនិយាយពីប៉ូលិសក៏ផលិតករបានបញ្ជាក់ដែរថានឹងដកតារាសម្ដែងវ័យ៣០រូបនេះចេញពីការសម្ដែង។
តារាសម្ដែងប្រុសដ៏ល្បីពីភាពយន្តភាគបុរាណចិន «Legend of Yunxi» និង «Blooms at Ruyi Pavilion» បានចេញមកធ្វើការសុំទោសនៅរសៀលថ្ងៃសុក្រទី១៣ ខែសីហាម្សិលមិញតាមរយៈគណនី Weibo ដែលមានចំនួន Followers ចំនួន ១៨.៨លានថា «រូបខ្ញុំពិតជាមានភាពខ្មាសអៀនចំពោះទង្វើដ៏ងងើលរបស់ខ្លួន ហើយខ្ញុំពិតជាសោកស្ដាយនិងសុំទោសអស់ពីដួងចិត្តចំពោះទង្វើរបស់ខ្ញុំកន្លងមកនេះ។ ខ្ញុំសុំទោសដែលរូបថតរបស់ខ្ញុំបានធ្វើឱ្យបងប្អូនជនជាតិចិនមានការឈឺចាប់»។
ទោះជាតារាសម្ដែងរូបនេះបានចេញមកសុំទោសនិងទទួលស្គាល់កំហុសក្ដី ប៉ុន្តែប្រជាជនចិន រួមទាំងអតីតអ្នកគាំទ្រការសម្ដែងរបស់លោកមួយចំនួន មិនបានទទួលស្គាល់ឬទទួលយកការសុំទោសនេះនោះទេថែមទាំងលើកឡើងថារូបថតនោះមិនអាចអត់ឱនឱ្យបាននោះទេ។
Yasukuni គឺជាស្ដូបបង្ហាញនិងឧទ្ទិសដល់ទាហានជប៉ុនប្រហែល១០០០នាក់ដែលបានពលីជីវិតក្នុងសម័យសង្គ្រាមលោកលើកទីពីរ (World War II) ដោយក្នុងនោះមានទាហានបានចូលលុកលុយនិងឈ្លានពានប្រទេសចិនផងដែរ (កំឡុង១៩៣១-១៩៤៥)។
Zhang Zhehan គឺជាតារាល្បីមានប្រជាប្រិយនិងអនាគតវែងឆ្ងាយព្រោះរឿងដែលរូបគេសម្ដែងតែងតែទទួលបាននូវប្រជាប្រិយភាពខ្លាំង ដូចជាកាលពីដើមឆ្នាំ២០២១ នេះរឿងភាគបុរាណចិន «World of Honor» ដែលគេសម្ដែងបាម Stream លើ Platform Youku មានទស្សនាច្រើនរាប់សិបលានដង៕
ប្រភព៖ Globaltimes
