Khaby Lame តារា Tiktok ល្បីដែលបច្ចុប្បន្នមាន Tiktok Follower ជាង ១០២,៨ លានគណនី និងចំនួនចុចចូលចិត្ត Video លោកច្រើនជាង ១.៥ពាន់លាន Like ដោយលោក មិនចាំបាច់ ពិបាកនិយាយអ្វីសូម្បីតែមួយម៉ាត់។
បុរសវ័យ២១ ឆ្នាំរូបនេះមានដើមកំណើតនៅប្រទេស ហ្សេណេហ្គាល់ បច្ចុប្បន្នកំពុងរស់នៅប្រទេសអ៊ីតាលី គឺជាតារា Tiktok កំពុងមានប្រជាប្រិយភាពខ្លាំង និងមានអ្នកគាំទ្ររូបលោកទូទាំងពិភពលោក។
លោក Khaby Lame កើតនៅថ្ងៃទី៩ ខែ មីនា ឆ្នាំ២០០០ នាប្រទេសហ្សេណេហ្គាល់ តែបានផ្លាស់មករស់នៅអ៊ីតាលីតាំងពីអាយុ ១ឆ្នាំ។ Khaby Lame បានហ្វឹកហាត់កីឡាតាំងពីក្មេងពោលគឺនៅក្នុងវ័យសិក្សាថ្នាក់វិទ្យាល័យ ក្នុងនោះមានបាល់ទាត់ បាល់បោះ ថែមទាំងបានចូលរួមប្រកួតពានបាល់បោះកម្រិតយុវជន។
មុនពេលក្លាយជាតារា Tiktok លោកគឺជាជាងម៉ាស៊ីនក្នុងរោងចក្រមួយកន្លែង ដោយមានបញ្ហាហិរញ្ញវត្ថុផងនោះទើបលោកសម្រេចចិត្តចូលរួមលេងនិងបង្ហោះវីដេអូលើ tiktok។ លោកចាប់ផ្ដើមផុស Tiktok ដំបូងកាលពីខែមីនា ឆ្នាំ២០២០ ក្នុងកំឡុងពេល បិទខ្ទប់ក្នុងប្រទេសអ៊ីតាលី។ លោកបានប្រកាសភ្ជាប់ពាក្យជាមួយនឹងកញ្ញា Zaira Nucci កាលពីខែតុលាឆ្នាំ២០២០ តាមរយៈគណនី Instagram។
គួរដឹងថាតារា Tiktok ដ៏ល្បី លោក Khaby Lame បច្ចុប្បន្នមានចំនួន Follow ច្រើនបំផុតលំដាប់ទីពីរ នៅលើ Tiktok និងមានទ្រព្យសម្បត្តិ ២លានដុល្លារអាមេរិក៕
ទស្សនាវីដេអូព័ត៌មានខាងក្រោម៖
