ស្រីស្អាត រឿន ណាត អតីត Miss universe ឆ្នាំ២០១៨ បានធ្វើឱ្យអ្នករិះគន់ខ្លួនកាន់តែឈឺចាប់ថែមទៀត ដោយសារតែកញ្ញាទើបតែបញ្ចេញឈុតហែលទឹកកាន់តែស្អាតនិងទាក់ទាញខ្លាំងជាងមុនថែមទៀត។
កញ្ញា រឿន ណាត រងការរិះគន់ខ្លាំងក្រោយពីរូបភាពរបស់កញ្ញាបានបង្ហោះនៅលើបណ្ដាញសង្គមដោយភ្ជាប់ជាមួួយនឹង Caption «អ្នកកំពុងសោមអើយ សុំផ្ទះគេងមួយយប់មកអត់មានTaxi ជិះទៅផ្ទះវិញទេ»។ រូបភាពដ៏ស្អាតនោះត្រូវបានអ្នកគាំទ្រសរសើរថាស្អាត គួរឱ្យស្រលាញ់ ប៉ុន្តែសម្រាប់អ្នកមិនគាំទ្រ ឬអ្នកដែលមានគំនិតបុរាណនិយម គិតថារូបភាពពាក់អាវកាក់ប្រភេទកីឡាពណ៌សនិងខោខ្លីសរបស់កញ្ញាគឺជាទង្វើ មិនសមរម្យ។
យ៉ាងណាមិញស្រីស្អាត រឿន ណាត មិនបានយកការរិះគន់មកទុកក្នុងចិត្តដោយជ្រើសរើសយក តែអ្វីល្អៗ ដែលអ្នកគាំទ្ររបស់ខ្លួនប៉ុណ្ណោះ។ ថ្វីត្បិតតែមិនបានតបតវិញប៉ុន្តែកញ្ញា បានបញ្ចេញចំណាប់អារម្មណ៍តាមរយៈការផុសជាសំណេរមួយនៅលើបណ្ដាញសង្គមដែរថា «អើយបង្កើតភពមួយនៅតែក្រុមអ្នកឯងទៅធុញណាស់និយាយមែន។ ចប់» ដោយសំណេរនេះមានអ្នកគាំទ្ររបស់កញ្ញាបានចូលមកលើកទឹកចិត្តនិងបង្ហាញការគាំទ្រកញ្ញាយ៉ាងច្រើន។
មិនត្រឹមតែប៉ុណ្ណឹង តារាសម្ដែងរូបនេះថែមទាំងបាន បញ្ចេញឈុតហែលទឹកពណ៌ផ្កាម៉ោង១០ យ៉ាងស្អាត មួយ SET មកចែកជូនអ្នកគាំទ្រជាចំណីកែវភ្នែក ដោយឆ្លៀតថែមល្បោយវ័ធកន្ទុយទៅអ្នកដែលចូលចិត្តរិះគន់ដល់កញ្ញា បែបសុភាព តែចាក់ដោតថា៖«ថ្ងៃនេះទឹកត្រជាក់ល្អណាស់ សុំទោសណាបងៗ ខ្ញុំមកទៀតហើយ»។
កញ្ញា រឿន ណាត គឺជាតារាសម្ដែង ដែលវិវត្តខ្លួនមកពីជាកញ្ញាឯកចក្រវាឡឆ្នាំ២០១៨ ដោយកញ្ញាមានសមិទ្ធិផលជាស្នាដៃសម្ដែងរឿងច្រើន ដូចជាថ្មីៗនេះកញ្ញាបានសម្ដែងរឿង «ព្រះនាងមុខធ្យូង» និង រឿង «ម្ដាយ២» ដែលសុទ្ធសឹងជារឿងមានការគាំទ្រពីសំណាក់អ្នកគាំទ្រ៕