ពិសេសណាស់សម្រាប់មិត្តនារីដែលចង់បានសុខភាពល្អថ្ងៃនេះត្រយងសូមបង្ហាញផ្លែឈើ១០មុខដែលល្អសម្រាប់ទទួលទានពេលព្រឹកដែលនឹងជួយឱ្យរាងកាយទទួលបានសារជាតិអាហារគ្រប់គ្រាន់ បន្ថែមពីលើការទទួលទានអាហារផ្សេងៗដែលមានសារធាតុផ្សំពីប្រូតេអ៊ីនសារធាតុខ្លាញ់និងCarbohydrate (អង្គារជលៈរួម )។
១. ផ្លែគីវី
គីវីជាផ្លែឈើដែលសំបូងទៅដោយវីតាមីនC និង Fiber ខ្ពស់ សារធាតុស្ពាន់និងប៉ូតាស្យ៉ូម ស័ក្ដិសមសម្រាប់អ្នកដែលមានបញ្ហាបន្ទោរបង់ ខ្សោយពោះវៀននិងឧស្សាហ៍ហើមពោះ
២. ផ្លែក្រូច
ផ្លែក្រូចសំបូរទៅដោយវីតាមីនCនិង Fiber ជាពិសេសផ្លែឈើដែលសំបូរដោយវីតាមីន Cជួយបន្ធូរបន្ថយបញ្ហាគ្រោះថ្នាក់ដែលកើតពីឆ្អឹងពុក ជំងឺថប់បារម្ភនិងជំងឺមហារីក។សារធាតុ Fiber មានចំណែកជួយកាត់បន្ថយអាការៈឆ្អល់ពោះនិងជួយឱ្យអ្នកបរិភោគមានអារម្មណ៍ឆ្អែតបានយូរ ប៉ុន្តែមិនត្រូវទទួលទានច្រើនលើសបរិមាណពេកទេ ព្រោះអាចនឹងធ្វើឱ្យរាងកាយទទួលបានសារធាតុស្ករនិងកាល់ឡូរីខ្ពស់
៣. ស្ដ័រប៊ឺរី (Strawberry)
ផ្លែស្ដ័រប៊ឺរីសំបូរទៅដោយសារធាតុប្រឆាំងនឹងរ៉ាឌីកាល់ដូច្នេះការទទួលទានស្ដ័រប៊ឺរីក្នុងបរិមាណ១កូនចាននឹងធ្វើឱ្យសារពាង្គកាយបានទទួលវីតាមីន C នៅក្នុងបរិមាណមួយគ្រប់គ្រាន់សម្រាប់តម្រូវការរបស់រាងកាយក្នុងមួយៗថ្ងៃ ក្រៅពីនេះនៅមានវីតាមីន B និង Fiber ដែលជាចំណែកមួយជួយដោះស្រាយបញ្ហាហើមពោះបានទៀតផង។
៤. ប្លូប៊ឺរី (Blueberry)
ប្លូប៊ឺរីគឺជាផ្លែឈើដែលមានគុណប្រយោជន៍ក្នុងការទទួលទានខ្ពស់ព្រោះសំបូរទៅដោយសារធាតុប្រឆាំងនឹងរ៉ាឌីកាល់យ៉ាងច្រើន ជាពិសេសនៅមានចំណែកជួយអភិវឌ្ឍដល់ការចងចាំ ជួយឱ្យប្រព័ន្ធរំលាយអាហារកាន់តែធ្វើការបានល្អនិងជួយឱ្យសរសៃឈាមមានលក្ខណៈប្រក្រតី។
៥. ផ្លែក្រូចខ្វិច
តាមរយៈការសិក្សាស្រាវជ្រាវបានបង្ហាញថាការទទួលទានផ្លែក្រូចខ្វិចកន្លះផ្លែមុនទទួលទានអាហារពេលព្រឹកនឹងជួយឱ្យអ្នកដែលចង់សម្រកទម្ងន់ទទួលបានលទ្ធផលឆាប់រហ័សពិសេសអាចជួយគ្រប់គ្រងលំដាប់ជាតិស្ករក្នុងឈាមបានយ៉ាងល្អ។ ក្រូចខ្វិចជួយធ្វើឱ្យប្រព័ន្ធរំលាយសារធាតុខ្លាញ់ធ្វើការងារយ៉ាងមានប្រសិទ្ធិភាពកាន់តែល្អឡើង ជាងនោះទៀតវីតាមីនC នៅក្នុងផ្លែឈើនេះនៅអាចជួយជំរុញប្រព័ន្ធការពារភាពស៊ាំក្នុងរាងកាយឱ្យកាន់តែរឹងមាំថែមទៀត។
៦. ត្រសក់ផ្អែម
ការទទួលទានផ្លែត្រសក់មួយមួយភាគបួននៃផ្លែត្រសក់ផ្អែមទាំងមូលនឹងជួយឱ្យរាងកាយបានទទួលវីតាមីន Cស្មើនឹងតម្រូវការរបស់រាងកាយក្នុងរយៈពេលមួយថ្ងៃ មិនតែប៉ុណ្ណោះផ្លែត្រសក់ផ្អែមនៅមានវីតាមីន A ដែលជួយបំប៉នភ្នែកនិងសម្បុរស្បែកឱ្យភ្លឺថ្លាថែមទាំងមានសារធាតុ Fiber ដែលជួយឱ្យក្រពះឆ្អែតបានយូរផងដែរ។
៧. រ៉ាស់ប៊ឺរី (Rasberry)
ផ្លែរ៉ាស់ប៊ឺរីមានផ្ទុកទៅដោយបរិមាណនៃសារធាតុប្រឆាំងនឹងរ៉ាឌីកាល់ព្រមទាំងមាន Fiber វីតាមីន C និងវីតាមីន K ដែលជួយការពារនិងថែរក្សាឱ្យឆ្អឹងរឹងមាំ។
៨. ក្រេនប៊ឺរី (Cranberry)
ក្រេនប៊ឺរីគឺជាផ្លែឈើដែលមានគុណសម្បត្តិជួយបន្ថយការលូតលាស់របស់បាក់តេរីក្នុងរាងកាយជាពិសេសការឆ្លងរោគតាមរយៈប្រព័ន្ធបន្ទោរបង់ ហើយថែមតាំងជួយរក្សាលោហិតនិងសរសៃឈាមចង្វាក់បេះដូងបានយ៉ាងល្អទៀតផង។ ជាងនោះទៀតនៅជួយដល់ព្យាបាលជំងឺមហារីកបានទៀតផង។
៩. ផ្លែចេក
ផ្លែចេកសំបូរទៅដោយសារធាតុរ៉ែនិងវីតាមីនខ្ពស់ ជាពិសេសនៅក្នុងផ្លែចេកមានផ្ទុកទៅដោយស្ករធម្មជាតិដែលអាចឱ្យរាងកាយមនុស្សយើងអាចយកទៅប្រើប្រាស់បានភ្លាមៗទៀតផង។ក្រៅពីនេះនៅមាន Carbohydrate (អង្គារជលៈរួម ) ដែលជួយបន្ថែមកំលាំងឱ្យរាងកាយដោយមិនចាំបាច់ទទួលទានម្សៅឬស្ករនោះទេ។
១០. ផ្លែឪឡឹក
ឪឡឹកជាផ្លែឈើម្យ៉ាងដែលមានសារធាតុ Lycopene ដែលជួយដល់ការមើលឃើញ ជួយបំប៉នបេះដូងនិងការពាររោគមហារីកបានយ៉ាងប្រសើរ ជាពិសេសសារធាតុប្រភេទនេះរកឃើញភាគច្រើននៅក្នុងអាហារដែលមានពណ៌ក្រហម។ ក្រៅពីនេះនៅមានផ្ទុកទៅដោយ Fiber និងមានកាល់ឡូរីទាប អាចចាត់ទុកបានថាជាអាហារដែលស័ក្តិសមខ្លាំងនឹងអ្នកដែលចង់សម្រកទម្ងន់បំផុត
ក្រៅពីត្រូវទទួលទានអាហារពេលព្រឹកឱ្យបានគ្រប់គ្រាន់ហើយនារីទាំងអស់មិនត្រូវបំភ្លេចផ្លែឈើនោះទេព្រោះផ្លែឈើអាចចាត់ទុកបានថាជាអាហារដែលជួយឱ្យរាងកាយយើងទទួលបានសារធាតុអាហារដែលគ្រប់គ្រាន់ផងដែរដូច្នោះសូមណែនាំឱ្យជ្រើសរើសទទួលទានផ្លែឈើតែត្រូវតែជាផ្លែដែលស័ក្តិសមសម្រាប់ទទួលទានពេលព្រឹក៕