កីឡាករជនជាតិគុយបា វ័យ៣៥ឆ្នាំ Yordenis Ugás បន្តពាក់ខ្សែក្រវាត់ WBA (Super) Welterweightទៀត ក្រោយយកឈ្នះដោយពិន្ទុឯកឆ័ន្ទលើអ្នកប្រដាល់ប្រដាល់វ័យ៤២ឆ្នាំរបស់ហ្វីលីពីន Manny Pacquiao នៅលើកីឡដ្ឋាន T-Mobile Arena ក្នុងទីក្រុង Paradise រដ្ឋ Nevada សហរដ្ឋអាមេរិក នៅព្រឹកថ្ងៃអាទិត្យ ទី២២ ខែសីហា ឆ្នាំ២០២១ នេះ។
កីឡាករ Manny Pacquiao ប្រកួតបាន៧២លើកហើយ ដោយក្នុងនោះឈ្នះបាន៦២លើក ចាញ់៨លើកនិងស្មើគ្នា២លើក។ ចំណែកអ្នកប្រដាល់រហស្សនាម 54 Milagros របស់គុយបា វិញ ប្រកួតបាន៣១លើកឈ្នះ២៧លើក និងចាញ់៤លើក។
ដូច្នេះកីឡាករ Yordenis Ugás នៅរក្សាខ្សែក្រវ៉ាត់ WBA (Super) Welterweight ដដែលក្រោយគ្រងតំណែងពីថ្ងៃទី២៩ ខែមករា ឆ្នាំ២០២១ ខណៈ Manny Pacquiao ធ្លាប់ស្ពាយខ្សែក្រវាត់នេះ២ឆ្នាំគឺពីថ្ងៃទី២០ ខែកក្កដា ឆ្នាំ២០១៩ ដល់ថ្ងៃទី២៩ ខែមករា ឆ្នាំ២០២១៕
អត្ថបទពាក់ព័ន្ធ៖សម្តេចតេជោ៖ Manny Pacquiao ជោគជ័យទាំងក្នុងវិស័យកីឡា និងវិស័យនយោបាយ