អតីតតារាសម្ដែងស្រីរូបស្រស់អ្នកនាង នៅ សុនិតា បច្ចុប្បន្នកំពុងតែរស់នៅក្នុងទ្រនំសុភមង្គលប្រកបដោយភាពសុខសាន្តជាមួយនឹងស្វាមីនិងកូនប្រុសបណ្ដូលចិត្ត យ៉ាងណាមិញស្ត្រីដែលត្រូវបានគេមើលឃើញថាកំពុងតែមានភាពជោគជ័យក្នុងជីវិតរូបនេះបានបង្ហោះសំណេរខ្លីចែករំលែកចំណុចសំខាន់ៗចំនួន៨ឱ្យអ្នកគាំទ្របានដឹង។
អ្នកនាង នៅ សុនិតា នៅព្រឹកថ្ងៃទី២៤ ខែ សីហា នេះបានផុសសំណេរមួយចែករំលែកចំណុចសំខាន់ៗចំនួន ៧ ជាកត្តានាំឱ្យមនុស្ស ឈានឆ្ពោះទៅកាន់ភាពជោគជ័យ!
ទីមួយ ខ្ជិលគឺជាពាក្យដែលមិនមាននៅក្នុងវចនានុក្រមរបស់មនុស្សជោគជ័យទេ
ទីពីរ កុំព្យាយាមគេចកំហុសខ្លួនឯង ព្រោះអ្នកអាចនឹងទូលវារាប់ពាន់កំហុសទៅថ្ងៃមុខ
ទីបី យកកំហុសមកកែឆ្នៃភាពខ្វះចន្លោះដែលមានទុកជាបទពិសោធន៏
ទីបួន មិនដែលឃើញមនុស្សជោគជ័យណាដែលមិនធ្លាប់បរាជ័យនោះទេ បើមិនធ្លាប់បរាជ័យមានន័យថាក៏មិនធ្លាប់ជោគជ័យដែរ
ទីប្រាំ ចង់មានចង់បានតែយកខ្នងធ្វើគូទ លើលោកនេះគ្មានសំណាងផ្តល់អោយមនុស្សដែលមិនប្រឹងប្រែងនោះទេ
ទីប្រាំមួយ កាលវិភាគជីវិតគឺជាទម្លាប់នៃភាពដាស់តឿនសំរាប់មនុស្សជោគជ័យ
និងចុងក្រោយ កុំភ្លេចចាយលុយអោយមានផែនការណ៍អោយច្បាស់ក្នុងខ្លួន តក់ៗពេញបំពង់ មិនដែលឃើញអ្នកមានណាមានប្រវត្តិសន្សំលុយប្រាក់ដុល្លារឡើងទៅទេ គេសន្សំចាប់ផ្តើមពីកាក់ល្អិត
រូបភាពប៉ុន្មានសន្លឹកភ្ជាប់ជាមួយនឹងសំណេរខាងលើនេះជារូបភាពអ្នកនាង ថតនៅពីមុខឡាន អតីតប្រធានាធិបតីគ្រប់ជំនាន់ នៅរដ្ធ canbara ប្រទេសអូស្ត្រាលី។ សំណេរចែករំលែករបស់អ្នកនាងត្រូវបានអ្នកគាំទ្រនិងមជ្ឈដ្ឋានមហាជនមានការកោតសរសើរចំពោះការលើកឡើងនេះ។
គួរដឹងថាបច្ចុប្បន្ន អ្នកនាង នៅ សុនិតា បានរួមរស់ជាមួយនឹងលោក ទិត ថាវរិទ្ធិ អនុរដ្ឋលេខាធិការក្រសួងវប្បធម៌ ហើយទទួលបានកូនប្រុស វ័យ ៥ខែ ជាចំណងដៃស្នេហា៕
