លោក Sung Hoon កំពុងតែរងការរិះគន់យ៉ាងខ្លាំងពីសំណាក់សាធារណជន ក្រោយរូបភាពវីដេអូជាច្រើនរបស់លោក ច្រើនតែមានទម្លាប់ប៉ះសាច់តារាស្រីៗ។
មានការផុសនៅលើអនឡាញកាលពីថ្មីៗនេះពាក់ព័ន្ធនឹងករណីដែលតារារូបនេះមានទម្លាប់ប៉ះសាច់តារាស្រីនៅខាងមុខកាំមេរ៉ា ដោយក្នុងផុសនោះថែមទាំង Screenshot រូបថតជាច្រើនសន្លឹកពីកម្មវិធីទូរទស្សន៍ផ្សេងៗដែលតារារូបសង្ហាម្នាក់នេះបានចូលរួមជាមួយនឹងតារាស្រីផ្សេងៗជាច្រើននាក់។
អ្នកសរសេរខាងលើថែមទាំងលើពីចរិតព្រានរបស់តារារូបនេះទៅកាន់តារាស្រី Park Narae ក្នុងកម្មវិធី «I Live Alone» ហើយក៏បានលើកឡើងពីវីដេអូចុងក្រោយក្នុង YouTube ដែល Song Hoon បានអញ្ជើញអ្នកលេងកូនគោលល្បី Yeji ចូលរួម ដោយសារតែជំនាញវាយរបស់ខ្លួនមិនល្អ តារារូបបានផ្ដេកខ្លួនទៅលើ Yeji ព្រមទាំងខ្សឹបសុំឱកាសលើកទីពីរ។ អ្នកសរសេរខាងលើបានលើកឡើងទៀតថា «នេះជាលើកទីមួយដែលអ្នកទាំងពីរបានជួបគ្នា»។
សាធារណជនបានបង្ហាញការមិនពេញចិត្ត និងចូលទៅបញ្ចេញមតិតាមរយៈ Comment អវិជ្ជមានចំពោះទង្វើរបស់តារារូបនេះ ខណៈដែលអ្នកគាំទ្រ តួឯកប្រុស ដាម៉ូ ពីរឿងភាគទូរទស្សន៍ដ៏ល្បីល្បាញ «វាសនានារីរបាំ» បានការពារទង្វើរបស់តារារូបនេះ ដោយលើកឡើងថា តារាស្រីៗទាំងអស់មើលទៅដូចជាមានទំនុកចិត្តនិងសុវត្ថិភាពពេលនៅក្បែររូបលោក។
ចុះអ្នកវិញ នៅពេលឃើញរូបភាពនិងការលើកឡើងខាងលើយល់យ៉ាងណាដែរ?
