Tyler Clinton តារាម៉ូដែលរូបសង្ហា វ័យ២៧ឆ្នាំកំពុងតែល្បីល្បាញនិងមានភាពជោគជ័យក្នុងអាជីពរបស់ខ្លួន តាមការពិតគឺជាក្មួយរបស់អតីតប្រធានធិបតីអាមេរិក។
សម្រាប់ត្រកូល Clinton លោក Bill គឺជាប្រធានាធិបតីទី៤២របស់សហរដ្ឋអាមេរិក ជាមួយនឹងភាពល្បីល្បាញរបស់លោកមិនចាំបាច់ត្រូវការណែនាំច្រើននោះទេ។ ភរិយារបស់លោក Bill Clinton គឺលោកស្រី Hillary Clinton ក៏ជាស្ត្រីដែលមានកេរ្តិ៍ឈ្មោះល្បីមិនចាញ់ស្វាមីដែរព្រោះកាលពីឆ្នាំ២០១៦ អ្នកស្រីគឺជាបេក្ខភាពប្រធានាធិបតីប្រជែងជាមួយនឹងលោក Donald Trump កាលពីឆ្នាំ២០១៦ ខណៈដែលកូនស្រីរបស់លោក Clinton ក៏ត្រូវបានមានស្នាដៃជាឯកសារផ្សេងៗខណៈដែលគ្រួសារខ្លួនបានស្នាក់នៅក្នុង (White House) វិមានប្រធានាធិបតីផងដែរ។
យ៉ាងណាមិញថ្មីៗនេះ មានសមាជិកគ្រួសារត្រកូល Clinton មួយរូបបានចូលប្រឡូកក្នុងសិល្បៈក្រោមពន្លឺភ្លើងពណ៌ ដែលនេះអាចចាត់ទុកបានថាមានលក្ខណៈខុសគ្នាដាច់ស្រឡះពីប្រវត្តិគ្រួសារត្រកូលនេះ។ Tyler Clinto គឺជាក្មួយប្រុសបង្កើតរបស់ Bill និង Hillary Clinton។ បុរសរូបសង្ហាម្នាក់នេះបានទាញការចាប់អារម្មណ៍និងមានសារព័ត៌មានផ្សព្វផ្សាយពីរូបគេដោយសារតែគេបានរើសយកអាជីពជា Model ។
ក្នុងពេលដែលលោកអ៊ុំរបស់ខ្លួនធ្វើជាប្រធានាធិបតី Tyler ក៏ធ្លាប់បានបង្ហាញវត្តមានរត់លេងលើវាលស្មៅខៀវខ្ចីក្នុងវិមានដែរ គ្រាន់តែកាលនោះគេគឺជាក្មេងតូចម្នាក់ ប៉ុន្តែពេលនេះមិនត្រឹមតែពេញកំលោះ មានរូបរាងសង្ហានោះទេ ថែមទាំងល្បីល្បាញទៀត។