Monday, November 28 Login

ដោយ​សារ​តែ​បញ្ហា​​រីករាលដាល​នៃ​ជំងឺ​កូវីដ​-១៩ ​​តារា​ចម្រៀង​ខ្មែរ​សុរិន​ ចេន សាយចៃ ​មិន​អាច​ធ្វើ​ដំណើរ​មក​ប្រទេស​កម្ពុជា​​ដើម្បីបំពេរ​អារម្មណ៍​អ្នក​គាំទ្រ​ដោយ​ផ្ទាល់​បាន​ តែ​បាន​ផ្ញើ​សំនៀង​តាម​​រយៈ​បទ​ចម្រៀង​ថ្មី​ជំនួស​ចិត្ត​ស្រលាញ់​និង​ក្ដី​នឹករលឹក​ជូន​ចំពោះ​អ្នក​គាំទ្រ​កម្ពុជា​ទាំង​អស់​។​

តារា​ចម្រៀង ​ចេន សាយចៃ ​​​ធ្លាប់​បាន​បញ្ចេញ​បទ​ចម្រៀង​បំពេរ​សោតា​​ប្រិយមិត្ត​អ្នក​ស្ដាប់​​​នៅ​កម្ពុ​ជា​ ហើយ​ទទួល​បាន​ការ​និយម​គាំទ្រ​​ជា​ច្រើន​បទ​កន្លង​មក​នោះ កាល​ពី​រាត្រី​ថ្ងៃ​ច័ន្ទ​ទី​២៦​ ខែ​មេសា​ម្សិល​មិញ​នេះ​បាន​ចែក​រំលែក​នូវ​បទ​ចម្រៀងថ្មី​ដែលមាន​ចំណង​ជើង​ថា​ «จันทรารำพึง​​» ប្រែ​សម្រួល​មិន​ផ្លូវការ​ថា​ «​ព្រះច័ន្ទ​ទន្ទេញ​ទន្ទឹង​ចាំ​» ព្រម​ជាមួយ​នឹង​សំណេរ​សារស័ព្ទ​ពី​ទឹក​ចិត្ត​នឹក​រលឹក​ដល់​អ្នក​គាំទ្រ​កម្ពុជា​គ្រប់​ៗ​រូប​​។

«​ដោយសារ​តែ​បញ្ហា​កូវិដ​ធ្វើអោយ​នាង​ខ្ញុំ​មិន​អាច​មក​ជួប​បងប្អូន​បាន​នាង​ខ្ញុំ​ពិត​ជា​មាន​សេចក្តី​នឹក​រលឹក​ដល់​បងប្អូន​ទាំងអស់​គ្នា​ខ្លាំង​ណាស់​។​នាងខ្ញុំ​សូម​ផ្ញើ​បទ​ចម្រៀង​មួយ​បទ​នេះ​ជូន​ដល់​បងប្អូន​ទាំងអស់​គ្នា​ស្តាប់​កំសាន្ត​ផង​ដែរ​ »​។ ដក​ស្រង់​ចេញពី​ PageJane Saijai Fanpage​។​

នៅ​ក្នុង​សំណេរ​នោះ​តារា​ចម្រៀង​សំឡេងពីរោះ​ស្ដាប់​មិន​ចេះ​ជិនណាយ​ ចេន សាយចៃ​ ក៏​មិន​ភ្លេច​ក្រើន​រំលឹក​ចំពោះ​អ្នក​គាំទ្រ​ឱ្យ​ថែ​រក្សា​សុខ​ភាព​និង​រក្សា​គំលាត​អនាម័យ​ ដើម្បី​ចៀសផុត​ពី​ជំងឺ​កូវីដ​-១៩ (Covid-19) គ្រប់ៗ​គ្នា​។

តារា​ចម្រៀង​ចេន សាយចៃ​ថ្មីៗ​នេះ​ក៏​មាន​បទ​ចម្រៀង​​បុណ្យ​ចូលឆ្នាំ​នៅ​ក្នុង​ផលិតកម្ម​​ថោន បទ​ «នាង​លក់​ក្របីចោល​​»​ ដែលបទ​ចម្រៀង​​ទទួលបាន​ការ​ពេញ​និយម​និង​គាំទ្រ​ច្រើន​គួរ​សម​ទោះ​ជា​ស្ថិត​ក្នុង​ស្ថានការ​កូវីដ-១៩ កំពុង​តែ​ធ្វើ​ទុក្ខ​និង​ញាំញី​ដល់​ការ​ជីវភាព​របស់​ប្រជាពលរដ្ឋ​កម្ពុជា​ក្ដី​៕​​​​​​

Share.

Leave A Reply