ភាពយន្ត TVB បច្ចុប្បន្នកំពុងហក់ប្រជាប្រិយភាពខ្លាំងក្នុងចំណោមអ្នកទស្សនានៅប្រទេសកម្ពុជា បន្ទាប់ពីស្ងប់ស្ងាត់មួយរយៈដោយសារតែលំហូរចូលនៃភាពយន្តថៃ ភាពយន្តឥណ្ឌា ភាពយន្តហ្វីលីពីន និងភាពយន្តកូរ៉េ។ ថ្វីត្បិតតែភាពយន្តTVB ត្រូវបានអ្នកគាំទ្រទទួលស្គាល់ថា មានការគាំទ្រច្រើន ប៉ុន្តែមិនមែនគ្រប់រឿងរបស់ TVB ទាំងអស់សុទ្ធតែល្អឥតខ្ចោះនោះទេ។
រឿងល្អផ្ដាច់ទាំង៥ របស់ទូរទស្សន៍ TVB ប្រចាំឆ្នាំ២០២០ រួមមាន៖
#1 យុទ្ធសាស្ត្របំបែកក្ដីវគ្គ២ (Legal Maverick 2)
មានរហស្សនាម «អ្នកក្លាហានពិការ» ប៉ុន្តែមានវិញ្ញាណចំនួន៤ទៀតរឹងមាំ តួអង្គរបស់ Vincent Wong ជាមេធាវីបានសហការជាមួយនឹង Sisley Choi និងគិញសម្ងាត់ Owen Cheung ជួយដល់អ្នកទន់ខ្សោយប្រយុទ្ធដើម្បីរកយុត្តិធម៌ ដោយប្រើតិចនិចថ្វីមាត់។ មេធាវី Kelly Cheung ព្យាយាមចូលទៅជិតស្និទ្ធនឹង Vincent ប៉ុន្តែទីបញ្ចប់អ្នកទាំងពីរបែរជាប្រឈមមុខគ្នានៅចំពោះមុខតុលាការ។ Kelly Cheung ទទួលបានការគាំទ្រពី Paul Chun ដែលជាគ្រូ។ ការពិតទៅ Paul ក៏ធ្លាប់ជាគ្រូរបស់ Vincent ដែរប៉ុន្តែទំនាក់ទំនងអ្នកទាំងពីរប្រេះឆាដោយសារករណីឃាតកម្មហើយបាត់សាកសព។ វត្តមានរបស់ Kelly បានធ្វើឱ្យសម្ព័ន្ធភាពដែកថែបរបស់ Vincent, Sisley និង Owen រង្គោះរង្គើ។
#2 ភ្នាក់ងារពិសេស C9 (Go Go Go Operation C9)
ភ្នាក់ងារសម្ងាត់ដែល Yeu Siu Kiu (Samantha Ko) ឬភ្នាក់ងារ C9 ធ្វើការត្រូវបានបោសសំអាត ដោយមានតែម្នាក់ឯងនិងឯកោ Siu Kiu បានជួបជាមួយនឹងអ្នកលក់បន្លែ Ko Tai King (Kenneth Ma)។ ក្រោយរៀបការជាមួយគ្នា Siu Kiu ត្រូវទទួលខុសត្រូវតម្រូវការរបស់សមាជិកគ្រួសារមហាកូររបស់ Ko Tai King ក្នុងនោះមានឪពុកក្មេក,បងថ្លៃ,ប្អូនថ្លៃមនិងកូនប្រុសដើម Ko Hei Long។ ៥ឆ្នាំក្រោយ Siu Kiu បានក្លាយជាស្ត្រីមេផ្ទះពេញម៉ោង ប៉ុន្តែថ្ងៃមួយនាងបានជួបជាមួយនឹងដៃគូជាភ្នាក់ងារសម្ងាត់ B3 (Lai Lok Yi) ដែលបានបាត់ខ្លួននិងសន្មតថាស្លាប់ ហើយមកសុំឱ្យនាងជួយស្វែងមនុស្សដែលធ្វើឱ្យភ្នាក់ងាររបស់ពួកគេក្រឡាប់ចាក់។ Siu Kiu យល់ព្រមហើយបន្តលាក់បាំងអតីតកាលរបស់ខ្លួនពីប្ដី Tai King ហើយបន្តធ្វើការងារជាស្ត្រីមេផ្ទះផង និងចាប់ផ្ដើមធ្វើការងារជាភ្នាក់ងារសម្ងាត់ផង។ ប៉ុន្តែនាងមិនអាចធ្វើការងារទាំងពីរនេះបានល្អនោះទេ ខណៈនោះដែរអត្តសញ្ញាណរបស់នាងត្រូវបានក្រុមឧក្រិដ្ឋជន Black Hole ដឹងហើយបានតាមរកនាង។ ដើម្បីរក្សាសុវត្ថិភាពគ្រួសាររបស់ខ្លួននាងបានក្រោកឈរប្រឆាំងនឹងក្រុមនោះ។ ខណៈនោះរឿងពិតជាច្រើនត្រូវបានលាតត្រដាង ជាលទ្ធផល SiuKiu និងក្រុមរបស់នាងត្រូវបង្ខំចិត្តប្រយុទ្ធតស៊ូជាមួយនឹងក្រុម Black Hole។
#3 បងធំក្លែងក្លាយ (Al Cappuccino)
Cheung Sai lun (Vincent Wong) ត្រលប់មកកាន់ហុងកុងវិញសង្ឃឹមមានឱកាសបានចូលប្រឡូកសិល្បៈ ហើយក្រោយមកគេបានជួបនឹងប៉ូលិសស្រីម្នាក់ឈ្មោះ Koo Yan Yee (Crystal Fung) ដែលស្នើឱ្យគេធ្វើជាគិញសម្ងាត់នៅក្នុងក្រុមបងធំដើម្បីជួយស៊ើបការឱ្យប៉ូលិស។ ភារកិច្ចមួយរបស់គីញសម្ងាត់ Sai Lun ត្រូវបន្លំខ្លួនជាកូនកំព្រារបស់មេបងធំ ដោយមានការជួយជ្រោមជ្រែងពីគិញដ៏មានបទពិសោធ Ko Bun (Owen Cheung) ធ្វើឱ្យ Sai Lun បានក្លាយជាមេបងធំ។ Sai Lun បានព្យាយាមចូលគៀកនិងជួយដល់មេបក្សបងធំ So Tsz Shan (Kathy Yeun) និង តារាល្បី Chong Ming Lai (Samantha Ko)។ នៅក្នុងបេសកកម្មរបស់ខ្លួន Sai Lun ទំនាក់ទំនងរវាងគេនិង Ko Bun ហើយគេថែមទាំងឆ្លងផុតគ្រោះថ្នាក់ជាច្រើនក៏ដូចជាភាពភ័យខ្លាចព្រោះ Luk Chau ( Brian Chu) ជួយការពារគេ។ ជីវិតរបស់បងធំក្លែងក្លាយរូបនេះនឹងជួបនូវរឿងរ៉ាវដ៏ភ្ញាក់ច្រើនទៀតក្នុងពេលដែលគេកំពុងបំពេញការងារក្នុងចំណោមក្រុមអ្នកលេង។
#4 Hong Kong Love Stories (បកប្រែក្រៅផ្លូវការ៖ រឿងស្នេហានៅហុងកុង)
បុរសសុភាព Chan Tsz ong (Joey Law) និងមិត្តស្រីរបស់ខ្លួន Yau Hoi Kei (Katy Kung) គឺប្រៀបដូចជាគូស្នេហ៍អ្នករស់នៅហុងកុងផ្សេងៗទៀតប៉ុន្តែប្អូនស្រីរបស់ Tsz Long ទាំងពីរ Chan Tsz Yan (Venus Wong) និង Chan Tsz Ting (Kayan Yau) គឺខុសគ្នា។ ប្អូនៗទាំងពីរបានជួបជាមួយនឹងបុរសក្នុងក្ដីស្រមៃ ខណៈដែល Tsz Long និង Hoi Kei ព្យាយាមធ្វើការគ្រប់បែបយ៉ាងដើម្បីមានទ្រនំស្នេហ៍។ ទីបំផុតអ្នកទាំងក្រោយរៀបការរួចអាចមានផ្ទះជារបស់ខ្លួន ប៉ុន្តែជីវិតគូមិនមែនសុទ្ធតែរីករាយនោះទេ ព្រោះក្រៅពីត្រូវរស់នៅពិបាកដោយសារតែផ្ទះតូចចង្អៀតហើយនោះ អ្នកទាំងពីរនៅត្រូវទ្រាំទ្រនឹងកំហឹងនិងអារម្មណ៍ឪពុកម្ដាយក្មេកទាំងសងខាងដែលចាស់ៗរៀងខ្លួន តែទោះជាយ៉ាងណាអ្នកទាំងពីរនៅតែអាចទ្រាំទ្របាន។
#5 The Runner
ខណៈដែលការងាររបស់ខ្លួនត្រូវជីកកកាយរឿងអាស្រូវនៅ Windchasers Club អ្នកសារព័ត៌មានឌីជីថល Ho Ka Yan (Elaine Yiu) បានជួបជាមួយនឹងគ្រូបង្វឹក Yeun Nik (Joel Chan)។ ទោះជារឿងហេតុនៅអតីតកាលធ្វើឱ្យ Yeun Nik ខ្លាចនឹងមានទំនាក់ទំនងថ្មី តែមួយថ្ងៃបន្តិចគេចាប់ផ្ដើុមមានអារម្មណ៍ថាកាន់តែជិតស្និទ្ធិនឹង Kayan តាមរយៈរូបភាពផ្សេងៗ។ ខណៈនោះដែរកូនស្រីមហាសេដ្ឋី Kwok Wong Po (Ram Chiang) ឈ្មោះ Kwok Bui Yee (Tiffany Lau) បានចូលរួមក្នុងក្លិប Windchasers ដោយមានគោលបំណងសំខាន់មួយ។ នៅពេលដែលមហាសេដ្ឋី Wong Po ក្លាយជាម្ចាស់ Sponsor ថ្មីធ្វើឱ្យ Wong Po និង Yeun Nik មានជម្លោះនឹងគ្នា។ មានរឿងហេតុជាច្រើនទៀតកើតឡើងដូចជា Yeun Nik ត្រូវជួយមើលថែកូនប្រុសមិត្តសម្លាញ់ ខណៈដែលទំនាក់ទំនងរវាងគ្រូនិងសិស្សរវាងគេនិង Yun Sun ទើបចាប់ផ្ដើម ក្នុងពេលនោះដែរ សម្ព័ន្ធភាពពីអតីតកាលរវាង Shun Fan និង Ka Yan កាន់តែលេចចេញជារូបរាង។ នៅពេល Shun Fan មិត្តរបស់ខ្លួនធ្លាក់ខ្លួនឈឺនិងបាក់ទឹកចិត្ត Yeun Nik គឺជាអ្នកលើកទឹកចិត្តដ៏សំខាន់ម្នាក់ ក្រោយមានរឿងហេតុកើតឡើងជាច្រើនធ្វើឱ្យ Yeun Nik ចាប់ផ្ដើមគិតថាជីវិតរបស់គេចាប់ផ្ដើមវិលកង់សារជាថ្មីឡើងវិញ។