បទចម្រៀងមរតកដើម Cover ថ្មីដោយ កែវ វាសនា «ជូនអូនទៅម៉ែ» គឺជាបទចម្រៀងថតថ្មីច្រៀងនិងសម្ដែងដោយលោក កែវ វាសនា និងប្រពន្ធរបស់លោក។
កាលពីជាងមួយសប្ដាហ៍មុន ពោលគឺកាលពីថ្ងៃទី ២៣ ខែសីហា ឆ្នាំ២០២១ ផេកផ្លូវការលោក កែវ វាសនា បានផុសបទចម្រៀងអបអរសាទរពិធីបុណ្យភ្ជុំបិណ្ឌ ជាបទមរតកដើមនោះ មានការគាំទ្រខ្លាំង ដោយមានចំនួន Share ៧.៧K និងមានចំនួន ៧៣K Likes ព្រមទាំងមានចំនួនចូល Comment ជិត១K ដោយភាគច្រើនគឺសរសើរទឹកដមសំឡេងរបស់លោក កែវ វាសនា និងសរសើរសម្រស់របស់ភរិយារបស់លោក ដែលបានចូលរួមសម្ដែងជាតួឯកស្រីក្នុងបទចម្រៀង។
អ្នកគាំទ្រថែមទាំងងសរសើរទៀតថា តារាចម្រៀងរូបនេះ និង ភរិយា សម្ដែងបានស័ក្តសមគ្នា ខណៈអ្នកខ្លះទៀតលើកឡើងថា ភ្លេងពិរោះ សំលេងពិរោះ សំដែងក៏សម ចូលចិត្តណាស់ ចំណែកឯអ្នកខ្លះទៀត បានសរសើរបន្ថែមទៀតថា ពីរោះហើយផ្អែមល្ហែមខ្លាំងទៀត។
តារាចម្រៀងរូបនេះជារឿយៗតែងតែផុសបង្អួតពីសុភមង្គលខ្លួន ជាមួយនឹងភរិយា ព្រមទាំងកូនប្រុសកូនស្រីជាប់ជានិច្ច ហើយការដែលលោកជ្រើសរើសយកភរិយាមកសម្ដែងក្នុងបទថ្មី នេះបានធ្វើឱ្យមហាជនយល់ឃើញថាលោកកំពុងតែព្យាយាមទាញប្រពន្ធលោកចូលសិល្បៈ ដូចទៅនឹងតារាចម្រៀងលោក នី រតនា ដែលបច្ចុប្បន្នក៏កំពុងតែទាញឧត្តមភរិយារបស់លោកចូលរួមក្នុងកម្មវិធីសិល្បៈ ឡើងបកស្រាយបទចម្រៀងក្នុងកម្មវិធីទូរទស្សន៍ផងដែរ។
ស្ដាប់បទចម្រៀង «ជូនអូនទៅម៉ែ» ច្រៀងឡើងវិញដោយលោក កែវ វាសនា យ៉ាងពីរោះខាងក្រោមនេះ៖