ព្រឹត្តិការណ៍ប្រកួតកីឡាប៉ារ៉ាឡាំពិក (Paralympic Games 2020) នៅប្រទេសជប៉ុន បានដល់ទីបញ្ចប់ហើយក្រោយដំណើរការអស់រយៈពេល១៣ថ្ងៃមកនេះខណៈដែលមេដាយចំនួន១៦៦៨គ្រឿង បានចែកជូនដល់អត្តពលិកជ័យលាភី ក្នុងនោះមានមេដាយមាស៥៣៩គ្រឿង មេដាយប្រាក់ ៥៤០គ្រឿង និងមេដាយសំរឹទ្ធិចំនួន៥៨៩គ្រឿង។
គណៈកម្មាធិការប៉ាឡាំពិកអន្តរជាតិ បានដាក់កីឡាចំនួន២២ប្រភេទដែលមាន៥៣៩វិញ្ញាសា ហើយអត្តពលិកចូលរួមប្រកួតសរុបចំនួន៤៤០៣នាក់មកពី១៦២ប្រទេស។ ចំណែកប្រទេសតំបន់អាស៊ានវិញបានបញ្ជូនអត្តពលិកទៅចូលរួមប្រកួតចំនួន ១៤៣រូបក្នុងនោះមាន៖
-កម្ពុជា ១រូប
-ឡាវ ១រូប
-ហ្វីលីពីន ៥រូប
-វៀតណាម ៧រូប
-សិង្ហបុរី ១០រូប
-ម៉ាឡេស៊ី ២២រូប
-ឥណ្ឌូណេស៊ី ២៣រូប
-ថៃ ៧៤រូប
ដោយឡែកមេដាយដែលប្រទេសអាស៊ានទទួលបានមាន៖
ថៃ៖ មេដាយមាស៥ មេដាយប្រាក់៥ មេដាយសំរឹទ្ធិ៨ សរុប១៨គ្រឿង
ម៉ាឡេស៊ី៖មេដាយមាស៣ មេដាយប្រាក់២ សរុប៥គ្រឿង
ឥណ្ឌូណេស៊ី៖មេដាយមាស២ មេដាយប្រាក់៣ មេដាយសំរឹទ្ធិ៤ សរុប៩គ្រឿង
សិង្ហបុរី៖មេដាយមាស២គ្រឿង សរុប២គ្រឿង
វៀតណាម៖មេដាយប្រាក់១គ្រឿង សរុប១គ្រឿង
ចំពោះកម្ពុជា វិញកីឡាករ វ៉ាន វ៉ុន បានប្រកួតក្នុងវិញ្ញាសាប្រណាំងរទះផ្នែកបុរសMen’s 100 Metres T54 ហើយជាលទ្ធផលបានឆ្លងផុតវគ្គជម្រុះក្នុង Heats 1 ក្រោយឈរលេខ២ ដែលប្រើថិរវេលា១៤.៣៩វិនាទី។ ការប្រកួតមាន៣ Heats ហើយក្រុមលេខ១និងលេខ២ បូកទាំងកីឡាករដែលមានចំណាត់ថ្នាក់លេខ៣ល្អជាងគេបើកធៀបនឹង៣ Heats មានឈ្មោះឡើងទៅជុំផ្ដាច់ព្រ័ត្រ។ ជាលទ្ធផលនៅជុំផ្ដាច់ព្រ័ត្រកីឡាករកម្ពុជា ធ្វើបានថិរវេលា១៤.២១ វិនាទីឈរលេខ៨ ហើយកីឡាករថៃ Athiwat Paeng-nuea ឈ្នះមេដាយមាស ក្រោយធ្វើបានថេរវេលា១៣.៧៦ វិនាទី៕
