ស្រីស្អាត អាង សុជាតា និងអ្នកម្ដាយ សឿនផាន ផាភួង បានបង្ហាញឈុតសំលៀកបំពាក់ប្រពៃណីជាតិយ៉ាងស្អាតនិងគួរឱ្យស្រលាញ់នៅលើបណ្ដាញសង្គមដើម្បីអមអរក្នុងឱកាសបុណ្យភ្ជុំបិណ្ឌ ហើយទទួលបានការសរសើរយ៉ាងច្រើនថាពីរនាក់ម្ដាយកូនជាតារាសម្ដែងកំពុងឡើងកូដស្រស់ស្អាតទាំងគូតែម្ដង។
យោងតាមការបង្ហោះរបស់អ្នកម្ដាយដ៏ស្រស់ស្អាតទោះជាពេលនេះកូនក្រមុំធំស្មើនឹងខ្លួន អ្នកនាង សឿនផាន ផាភួង លើផេករបស់ខ្លួនដោយតុបតែងខ្លួនជាមួយនឹងសំលៀកបំពាក់ឈុតប្រពៃណីជាតិខ្មែរយ៉ាងស្រស់ស្អាត រហូតហ្វេនៗចូលមកសរសើរគ្រប់គ្នា រហូតមានអ្នកខ្លះហ៊ាននិយាយលេងសើចថា «អ្នកម្ដាយស្រស់ស្អាតជាងកូនថែមទៀតផង»។
ខាងក្រោមនេះគឺជាសំណេរទាំងស្រុងរបស់អ្នកនាង សឿនផាន ផាភួង នៅផេករបស់អ្នកនាងដែលបានបង្ហោះនៅថ្ងៃទី២៨ ខែកញ្ញា ឆ្នាំ២០២១ នេះ៖
«ក្នុងឱកាសភ្ជុំបិណ្យនេះនាងខ្ញុំនិងកូនស្រីសូមលេីកម្រាមដៃ១០ជូនពរដល់ពុកម៉ែ ពូមីង បងប្អូន កូនក្មួយទាំងអស់សូមអោយជួបតែសេចក្ដីសុខ សុខភាពបរិបូណ៌ លុយហូរចូលដូចទឹក សូមអោយមានសេចក្ដីសុខទាំងផ្លូវចិត្តនិងផ្លូវកាយសូមអោយជៀសផុតពីជំងឺទាំងឡាយផងចុះ»