នៅថ្ងៃទី២៩ ខែកញ្ញា ឆ្នាំ២០២១ នេះ តារាចម្រៀងប្រចាំផលិតកម្មថោន កញ្ញា បាន មុន្នីល័ក បានចែករំលែកឱ្យដឹងថាក្មួយស្រីតូចរបស់ខ្លួនដែលមានដុងសិល្បៈតាំងពីតូច បានចេញថតបទចម្រៀងទីមួយជាបទរបស់កញ្ញាផ្ទាល់តែម្ដង។
បើមើលតាមរបៀបនៃការតុបតែងខ្លួនក្នុងបទចម្រៀងដែលតារាស្រីរូបនេះបានបង្ហោះចែករំលែកឱ្យហ្វេនៗបានឃើញនៅលើបណ្ដាញសង្គម អាចជាបទចម្រៀងសម្រាប់ត្រៀមអបអរពិធីបុណ្យភ្ជុំបិណ្ឌប្រពៃណីជាតិក៏ថាបានដែរ។ នៅក្នុងសំណេរដែលតារាស្រីរូបនេះបានបង្ហោះបានពោលរៀបរាប់សរសើរក្មួយស្រីរបស់ខ្លួនយ៉ាងខ្លីថា៖
«ចេញថតហេីយ បទទីមួយសំរាប់ក្មួយម៉ាក់មីង ចាប់ផ្ដេីមសម្ដែងពីអាយុ6ឆ្នាំក្មួយខ្ញុំ ដុងពីកំណេីត កាត់រកម៉ាក់មីង
( ថតMV)»
ក្រោយតារាចម្រៀង-តារាសម្ដែងស្រីរូបនេះបានបង្ហោះរូបភាពក្រៅឆាកដែលរូបខ្លួននិងក្មួយស្រីសម្ដែងនោះក៏មានមិត្តភក្ដិក៏ដូចជាអ្នកគាំទ្រចូលមកសរសើរម្ដាយមីងនិងក្មួយស្រីមួយគូនេះថាស្អាតនិងគួរឱ្យស្រលាញ់ដូចគ្នា៕
