Suleyka Rivera បវរកញ្ញាចក្រវាឡពីប្រទេសព័រតូរីកូបានបង្កើតប្រវត្តិសាស្ត្រដ៏អស្ចារ្យក្នុងឋានៈជាតួឯកស្រីក្នុងបទចម្រៀង Despacito ដែលមានចំនួនទស្សនាជាង៧,៥ពាន់លានដងលើ Youtube។
ការសម្ដែងដ៏សិចស៊ី ធ្វើឱ្យចំនួនទស្សនា MV បទ Despacito នៅលើ Youtube នៅតែបន្តកើនឡើងមិនថមថយទោះជាបទចម្រៀងនេះមានអាយុកាលច្រើនឆ្នាំក្ដី (13 មករា 2017) ដោយចុងក្រោយនេះមានចំនួនទស្សនាទូទាំងពិភពលោកចំនួន៧,៥ពាន់លានដង (7,567,000,027) កត្តាមួយដែលធ្វើឱ្យអ្នកទស្សនានៅតែបន្តចុចមើលបទនេះជាបន្តបន្ទាប់រហូតមកដល់បច្ចុប្បន្ននេះគឺតួឯកស្រី។
Despacito គឺជាបទចម្រៀងដែលច្រៀងដោយ Luis Fonsi រួមច្រៀងដោយ Daddy Yankee ហើយសម្ដែងដោយតួឯកស្រីដ៏សែនសិចស៊ី Zuleyka Rivera ម្ចាស់មកុដ Miss Universe 2006 មកពីប្រទេសព័រតូរីកូ។
កាលពីឆ្នាំមុន Zuleyka ត្រូវបានអញ្ជើញទៅចូលរួមជាគណៈកម្មការ Miss Universe 2020 ដែលជាកម្មវិធីប្រកួតលើទី៦៩ នៅ Seminole Hard Rock Hotel and Casino ទីក្រុង Hollywood រដ្ឋ California សហរដ្ឋអាមេរិក ខណៈដែលឆ្នាំ២០២១នេះ កម្មវិធីប្រកួតនឹងផ្លាស់ទៅកាន់ទីក្រុង Eilat ប្រទេសអ៊ីស្រាអែល។
គួរដឹងថាបទចម្រៀង Despacito ស្ថិតក្នុងលំដាប់ទីពីរជាបទចម្រៀងដែលមានចំនួនទស្សនាច្រើនបំផុតលើ Youtube តាមពីក្រោយបទចម្រៀងកុមារដ៏ល្បីល្បាញ «Baby Shark Dance» ដែលមានចំនួនទស្សនាចំនួនជាង៩,២ពាន់លានដង៕
ទស្សនាបទចម្រៀងល្បីមានចំនួនទស្សនាជាង៧,៥ពាន់លានដង Despacito ខាងក្រោម៖