ថ្វីត្បិតតែរឿងរ៉ាវ Drama កើតឡើងជាបន្តបន្ទាប់ ប៉ុន្តែមិនមានអ្វីអាចធ្វើឱ្យតារាចម្រៀងសញ្ជាតិថៃ Lisa សមាជិក Blackpink ធ្លាក់ចុះប្រជាប្រិយភាពនោះឡើយ ព្រោះបទចម្រៀងមទោលពីរបទ «LALISA» និងបទ «Money» បានក្លាយជាបទចម្រៀងដែលជួយតារាស្រីរូបនេះបង្កើតកំណត់ត្រាពិភពលោកថ្មីយកឈ្នះលើតារាចម្រៀងកម្រិតពិភពលោក Taylor Swift រួចទៅហើយ។
ថ្មីៗនេះមានការផ្សព្វផ្សាយរបាយការណ៍ពី Guinness World Records បានប្រកាសជាផ្លូវការថាបទចម្រៀង «LALISA» របស់ LISA គឺជាបទចម្រៀងទោលដែលមានចំនួនចូលទស្សនាច្រើនបំផុតលើ Youtube រហូតដល់ ៧៣,៦លានដង ក្នុងរយៈពេលត្រឹមតែ២៤ម៉ោង ដែលចំនួននេះបានហក់ខ្ពស់នាំមុខបទចម្រៀង «Me» របស់តារាចម្រៀង Taylor Swift ដែលមានចំនួនចុចចូលទស្សនា ៦៥,២លានដងនៅក្នុងរយៈពេល២៤ម៉ោង ក្រោយបង្ហោះ។
Lisa គឺជាតារាចម្រៀងតែម្នាក់គត់និងដំបូងបង្អស់ក្នុងប្រវត្តិសាស្ត្ររបស់ K-Pop ដែលអាចនាំយកបទចម្រៀងទៅចាក់លើ Official Single Chart របស់ UK រហូតដល់ទៅ២បទចម្រៀង។