លោក ឌួង ឆាយ បានចេញមកធ្វើការបន់ស្រន់ទេវតា ឱ្យជួយតាមថែរក្សាសុខសុវត្ថិភាពរបស់អតីតភរិយា ដែលជាអ្នកម្ដាយរបស់កូនៗទាំង៣របស់ លោកភ្លាមៗ ក្រោយបានទទួលដំណឹងថា អ្នកនាង ដេត ម៉ាលីណា បានជួបគ្រោះថ្នាក់ចរាចរណ៍ ប៉ុន្តែ២ម៉ោង ក្រោយស្រាប់តែលោក ឌួង ឆាយ បែរជាចេញមកពោលពាក្យដៀលត្មេះទៅកាន់អតីតភរិយារបស់លោកទៅវិញ។
យោងតាមការផុសលើផេកផ្ទាល់ខ្លួនរបស់លោក ឌួង ឆាយ លោកបានសរសេររៀបរាប់ខ្លី ប៉ុន្តែអត្ថន័យហាក់បង្កប់ទៅដោយក្ដីបារម្ភចំពោះអ្នកនាង ដេត ម៉ាលីណា ដែលបានជួបគ្រោះថ្នាក់ចរាចរណ៍ថា៖ «អ្នកជាម្តាយកូនៗរបស់យើង ខ្ញុំសង្ឃឹមថាអ្នកនឹងមិនមានគ្រោះថ្នាក់អ្វីកើតឡើងចុះ។ អានិតកូនៗយើង»។
សំណេរខ្លីតែស្ដែងចេញពីការព្រួយបារម្ភរបស់លោកត្រូវបានអ្នកលេងបណ្ដាញសង្គម ចូលរួមអាណិតអាសូរចំពោះអ្នកនាង ដេត ម៉ាលីណា ដែលបានជួបគ្រោះថ្នាក់ចរាចរណ៍ ខណៈអ្នកខ្លះទៀតដែលជាអ្នកគាំទ្រជ្រុលរបស់លោក ឌួង ឆាយ បែរជាចូលមកអបអរសាទរ និងសមមុខ ហើយថែមទាំងពោលថា នេះគឺជាបាបកម្ម ហើយអ្នកខ្លះទៀតក៏លើកឡើងដែរថា ពីមុនមិនជឿរឿងផឹកស៊ីដែលលោក ឌួង ឆាយ ធ្លាប់លើកឡើងនោះទេ តែពេលនេះឃើញដំណឹងហើយគឺជឿតែម្ដង។
«Mon Phanith · Followឡានខូចខ្លាំងណាស់ ហើយមនុស្សមិនដឹងម៉េចហើយទេ ខ្ញុំនៅជិតនឹងលាន់ដូចរន្ទះ»
«Da Na គ្មានអ្វីក្រៅពីពាក្យជូនពរគាត់ឲ្យរួចផុតពីទុក្ខទាំងឡាយដែលកំពុងកើតមាន និងសង្ឃឹមថាអ្វីៗគ្រប់យ៉ាងដែលគាត់ប្រាថ្នាបានដូចបំណង»
«NAkhon KEight បាបមានពិត ចំពោះអ្នកដែលធ្វើបាប Bro Chay»
«Ah Lin កាលពីមុនខ្ញុំមិនសូវជឿទេថាបងស្រីផឹកដាច់យប់តែលូវហុឹម មែនលំៗទេបងស្រី»
«ម៉ូញ អឿប ពេលនេះខ្ញុំជឿហើយថាម្ចាស់ឡានពិតជាដាច់យប់មែន»
យ៉ាងណាមិញក្ដីបារម្ភដែលមានចំពោះប្រពន្ធនោះហាក់រលត់បាត់ទៅវិញ ព្រោះ២ម៉ោង ក្រោយផុសបន់ស្រន់សុំឱ្យប្រវត្តិឆ្លងផុត គ្រោះថ្នាក់លោក បែរជាពោលពាក្យដៀលត្មេះ បែបនេះទៅវិញ៖ «ដឹងការពិតហើយណាពូមីងបងប្អូនទាំងអស់គ្នា សាហាវហួសហេតុ។ ខ្ញុំស្តាយទឹកចិត្តដែរបារម្ភ និងអានិតណាស់ស្រីដូចជានាងណាស់»
នៅក្រោមសំណេរថ្មីរបស់លោកនេះ ដូចបើកឱកាសឱ្យអ្នកលេងបណ្ដាញសង្គម ដែលទំនងមិនសូវជាពេញចិត្តនិងទង្វើរបស់អ្នកនាង ដេត ម៉ាលីណា ចូលមកខមមិន ដៀលជេរ ព្រមទាំងប្រមាថ ដល់អាយុជីវិតរបស់អតីតភរិយារបស់លោក ឌួង ឆាយ ផងដែរ។
«Atsugi Yuri ស្តាយឡានណាស់ស្រីប្រមឹកទុកមួយដុំ»
«ថន ស៊ីថា កម្មពារមានពិតគាត់ទទួលកម្មរបស់គាត់បណ្ដើរៗហើយ»
«Jeda Jeda កម្មដែលសាងវាធ្លាក់មកបណ្ដើៗហើយ.អាចរឹកចង់បានផស់គេហើយចោតគេអាក្រក់ទៀត វាមិនបានសុខទេ»
គ្រោះថ្នាក់ចរាចរណ៍មួយនេះកើតឡើងនៅវេលាម៉ោង២រំលងអធ្រាត្រឈានចូលថ្ងៃទី១៣ ខែតុលា ឆ្នាំ២០២១ នៅតាមបណ្ដោយផ្លូវសហព័ន្ធរុស្សី សង្កាត់ទឹកថ្លា ខណ្ឌសែនសុខ រាជធានីភ្នំពេញ បង្ករឡើងដោយស៊េរីទំនើបម៉ាក Rolls Royce Phantom Coupe ពាក់ស្លាកលេខ កម្ពុជា-MR.IDOL បានបើកបរជ្រុលចង្កូតទៅបុ-កក្បាលព្រួញពុះចែកទ្រូងផ្លូវពេញទំហឹងបណ្តាលបាក់អស់មួយកង់ រួមនិងបង្គោលភ្លើងមួយដើមបាក់រាបដល់ដី ចំណែកឯរថយន្តវិញខូចខាតមួយកំណាត់មុខយ៉ាងដំណំ ជាសំណាងល្អមិនបង្កឲ្យមានអ្នករងរបួស។
តាមរយៈស្លាកលេខពិសេសដែលមានតែមួយគេអាចសម្គាល់បានយ៉ាងច្បាស់ជារបស់អ្នកនាង ដេត ម៉ាលីណា អតីតភរិយាលោក ឌួង ឆាយ ដែលបានលែងលះគ្នានិងប្រកាសសង្គ្រាមតាមបណ្ដាញសង្គមរហូតផ្អើលស្ទើរមួយប្រទេស។
រថយន្តស៊េរីទំនើបខាងលើនេះ បើតាមរយៈផ្លាកលេខពិសេសនេះគេអាចស្គាល់បានថាជារថយន្តរបស់អ្នកនាង ដេត ម៉ាលីណា អតីតភរិយាលោក ឌួង ឆាយ ដែលនាពេលកន្លងមកលោក ឌួង ឆាយ ធ្លាប់បាននិយាយថាអតីតភរិយារបស់ខ្លួនចូលចិត្តដើរលេងយប់ ដោយកាលណោះភាគីទាំងសងខាងបានព្យាយាមជីកគាស់កកាយ ចំណុចអវិជ្ជមានរបស់ភាគីម្ខាងទៀតមកបើកបង្ហាញជាសាធារណៈ។
រំលឹកឡើងវិញទំនាស់ផ្ទៃក្នុងគ្រួសារបស់បុគ្គលល្បីនិងមានមុខមាត់ក្នុងសង្គមនេះគឺ លោក ឌួង ឆាយត្រូវបានភរិយាទម្លាយវីដេអូភស្ដុតាង រឿងប្រើហិង្សា ខណៈដែលលោកបាន តបត អតីតភរិយា រឿងដើរលេងផឹកស៊ីស្រវឹង មិនចូលផ្ទះ មិនមើលថែកូនចៅជាដើម៕