ក្រុមជម្រើសជាតិវាយកូនបាល់កម្ពុជា ស្ថិតក្នុងពូល C ជាមួយក្រុមជម្រើសជាតិអ៊ីរ៉ង់,គីជីស្ថាន និងយេមែន ក្នុងពានរង្វាន់វាយកូនបាល់អន្តរជាតិប្រចាំទ្វីបអាស៊ីនិងមហាសមុទ្រប៉ាស៊ីហ្វិក Davis Cup 2021 កម្រិតទី៤ (Asia/Oceania Group IV) ដែលរៀបចំនៅទីលាន Bahrain Tennis Federation Courts ក្នុងទីក្រុង Isa Town ប្រទេសបារ៉ែន។
កម្ពុជា ត្រូវប្រកួតជាមួយក្រុមយេមែន ក្នុងប្រកួតបើកឆាកពូល C ខណៈដែរក្រុមកម្ពុជា ដឹកនាំដោយលោក ទេព រិទ្ធីវិត អគ្គលេខាធិការសហព័ន្ធកីឡាវាយកូនបាល់កម្ពុជា ហើយកីឡាករមានកីឡាករ ទេព ធីម៉ូធី ឃ្លាំង ពន្លក, ប៊ុន កេន្នី និង ឡុង សំនៀង។
ក្រុមវាយកូនបាល់របស់កម្ពុជា ធ្លាប់មានឈ្មោះឡើងទៅលេងកម្រិត Asia/Oceania Group III បានបានប៉ុន្មានឆ្នាំគឺចន្លោះឆ្នាំ២០១៣ ដល់ឆ្នាំ២០១៦ ទើបធ្លាក់ចេញទៅ Asia/Oceania Group IV វិញមកទល់សព្វថ្ងៃ៕