ក្ដៅៗ! សារព័ត៌មានត្រយងទទួលបានដំណឹងដ៏រសើបមួយកំពុងតែផ្ទុះការចាប់អារម្មណ៍ខ្លាំងនៅលើបណ្ដាញសង្គមនៅថ្ងៃសៅរ៍នេះថាគណៈកម្មការប្រកួតបវរកញ្ញា Miss Grand International មិនអនុញ្ញាតឱ្យបវរកញ្ញាកម្ពុជាដែលទៅចូលរួមប្រកួតក្នុងកម្មវិធីនោះស្លៀកឈុតតំណាងជាតិដែលមានរូបប្រាសាទអង្គរវត្តចូលរួមប្រកួតនៅក្នុងប្រទេសថៃនោះឡើយ។
សូមចុចអាន ប៉ូ គីមថេងសុតធីតា៖ មិនចុះចាញ់ ប្រកួតហើយប្រកួតទៀត ទាល់តែឈ្នះក្លាយជាម្ចាស់ជយលាភី
នៅលើបណ្ដាញសង្គមមានផេកធំៗ ពិសេសផេកដែលគាំទ្រការប្រកួតបវរកញ្ញាដូចជា គាំទ្រខ្សែភាពយន្តខ្មែរ តារាខ្មែរ , Universe Pageant បានចេញមកផុសជាបន្តបន្ទាប់គ្នាថា «អ្នករៀបចំកម្មវិធី Miss Grand International ដែលនិងរៀបចំនៅឯប្រទេសថៃបានធ្វើការស្នើរសុំអោយ Miss Grand Cambodia ផ្លាស់ប្ដូរឈុតតំណាងជាតិខ្មែរចេញ ដោយមិនអោយដាក់បង្ហាញលើឆាកកំឡុងពេលប្រកួតនោះទេ »។
ងាកមកអ្នករៀបចំការឆ្នៃម៉ូតរបស់ Miss Grand Cambodia ស្ទើរតែមិនមានពេលវេលាគ្រប់គ្នាក្នុងការរៀបចំក៏ដូចជាជ្រើសរើសឈុតតំណាងជាតិថ្មីឡើយ ព្រោះកម្មវិធី Miss Grand International 2021 នឹងរៀបចំឡើងនៅខែធ្នូខាងមុខនេះហើយ នាខេត្តភូកេត ប្រទេសថៃ៕
សូមចុចអាន ប្រវត្តិតស៊ូ MGC 2021 ប៉ូ គីមថេងសុតធីតា ឆ្លងកាត់អ្វីខ្លះទម្រាំបានគ្រងមកុដជយលាភី!
នេះគ្រាន់តែជាព័ត៌មានបឋមដែលសារព័ត៌មានត្រយងទទួលបានតាមរយៈបណ្ដាញផ្សព្វផ្សាយនានានៅលើបណ្ដាញសង្គមប៉ុណ្ណោះ ដូច្នេះនៅមិនអាចសន្មតថាពិតឬយ៉ាងណានោះទេ មានតែរង់ចាំការបកស្រាយបំភ្លឺពីខាងក្រុមហ៊ុនមហាហង្ស ឬក៏គណៈកម្មាការរៀបចំការប្រកួត Miss Grand Cambodia ទើបអាចយកជាការបាន។
គួរដឹងថាឆ្នាំនេះកញ្ញា ប៉ូ គីមថេងសុតធីតា ដែលជាម្ចាស់ជយលាភីតំណាងប្រទេសកម្ពុជាទៅចូលរួមប្រកួតគឺជានារីម្នាក់ដែលមានការតស៊ូ មានភាពអំណត់ មានសមត្ថភាព និងភាពឆ្លាតវៃ គួរជាទីមោទកភាព ថែមទាំងមានចំណេះដឹងផ្នែកភាសាអាចនិយាយបានរហូតដល់ទៅ៣ភាសាថែមទៀតផង៕