លោកតាវ័យ ៧៧ឆ្នាំ Yeong Su Oh ឬដែលអ្នកទស្សនាស្គាល់ច្បាស់ថាតា 001 បានប្រកាសនៅក្នុងកម្មវិធីទូរទស្សន៍មួយថាលោកកំពុងជួបបញ្ហា ពិបាកទប់ទល់នឹងចំនួនខលទាក់ទងឱ្យលោកទៅសម្ដែង បន្ទាប់ពីលោកបានសម្ដែងក្នុងរឿងភាពយន្តភាគដ៏ល្បីល្បាញ «Squid Game»។
លោកបានចែករំលែកនៅក្នុងកម្មវិធី «How Do I Play» របស់ទូរទស្សន៍ MBC ថា «ខ្ញុំមានអារម្មណ៍ដូចហោះលើអាកាស រហូតដល់ខ្ញុំត្រូវប្រាប់ខ្លួនឱ្យធ្វើចិត្តឱ្យត្រជាក់ ហើយរៀបចំការគិត និងរៀបចំខ្លួនឯងឱ្យស្រួលបួល។ មានមនុស្សជាច្រើនបានទាក់ទងមកខ្ញុំ ប៉ុន្តែដោយសារតែខ្ញុំគ្មានអ្នកគ្រប់គ្រងជួយរៀបចំការងារ ធ្វើឱ្យខ្ញុំពិបាកក្នុងការទប់ទល់នឹងការខលក៏ដូចជាសារដែលផ្ញើមកកាន់លោក រហូតកូនស្រីរបស់លោកត្រូវចូលមកជួយលោក»។
តារាសម្ដែងម្នាក់ក្នុងចំណោមបេក្ខជនទាំង៤៥៦នាក់ ដែលបានចូលរួមលេងក្នុងហ្គេមកុមារបែបមរណៈដើម្បីដណ្ដើមប្រាក់ដោះបំណុល គឺជាតួអង្គសំខាន់និងតួអង្គស្នូលដែលដំណើរឱ្យមានសាច់រឿងដ៏ល្បីល្បាញនេះកើតមានឡើង។ បុរសវ័យ៧៧ឆ្នាំរូបនេះបានប្រាប់នៅក្នុងកម្មវិធីខាងលើថាលោកទទួលបានឱកាសការងារយ៉ាងច្រើនចាប់តាំងពីភាពយន្ត «Squid Game» ចាប់ផ្ដើមដាក់បញ្ចាំងនៅលើ Netfilx ហើយផ្ទុះបាននូវភាពល្បីល្បាញ។
លោកតា Yeong Su Oh បានបន្តលើកឡើងទៀតថា «ជីវិតរបស់មានការខុសប្លែកបន្តិច ដូច្នេះមិនថាលោកចេញទៅកាហ្វេឬកន្លែងដូចគ្នាបែបនេះ ខ្ញុំចាប់ផ្ដើមដឹងខ្លួនថាខ្ញុំគួរធ្វើខ្លួនបែបណាព្រោះមានគេចាប់អារម្មណ៍ច្រើន រឿងនេះធ្វើឱ្យខ្ញុំមានអារម្មណ៍ថាធ្វើជាអ្នកល្បីក៏ពិបាកដូចគ្នា»។
មនុស្សរាប់ពាន់នាក់ពីសហជីពការងារនៅប្រទេសកូរ៉េខាងត្បូងកាលពីពេលថ្មីៗនេះក៏បានធ្វើការបាតុកម្មដោយប្រើប្រាស់ឈុត Squid Game ដើម្បីទាមទារឱ្យរដ្ឋាភិបាលធ្វើការកែទម្រង់សិទ្ធិកម្មករ។ ខណៈដែលអ្នកនិពន្ធនិងដឹកនាំរឿង «Squid Game» បានឱ្យដឹងថាលោកសរសេររឿងនេះឡើងដើម្បីបង្ហាញពីបញ្ហាជាច្រើនដែលកើតមានក្នុងពិភពលោកក្នុងនោះមានវិបត្តិសេដ្ឋកិច្ចដែលកើតមានក្នុងប្រទេសកូរ៉េផងដែរ។
.