ក្លិបអ្នកមានបុណ្យ FC Barcelona សម្រេចបណ្តេញលោក Ronald Koeman ចេញពីតំណែង បន្ទាប់ពីចាញ់ Rayo Vallecano ក្នុងលទ្ធផល ១-០ កាលពីយប់មិញនេះ ក្នុងពានរង្វាន់លីគកំពូលប្រទេសអេស្ប៉ាញ (La Liga)។
បច្ចុប្បន្ន Barcelona ក្រោមការដឹកនាំរបស់បុរសសញ្ជាតិហូឡង់វ័យ៥៨ឆ្នាំរូបនេះ ស្ថិតនៅលេខ៩ នៅក្នុងក្របខណ្ឌ Laliga Santander បន្ទាប់ពីលេង១០ប្រកួត ឈ្នះ៤ ស្មើ៣ និងចាញ់៣ មាន១៥ពិន្ទុ។
គួរបញ្ជាក់ឲ្យដឹងថាលោក Ronald Koeman អាចមិនមែនជាគ្រូបង្វឹកដ៏ល្អបំផុតម្នាក់ក្នុងប្រវត្តិសាស្រ្តក្លិប Barcelona ប៉ុន្តែស្នាដៃរបស់គាត់ក្នុងនាមជាកីឡាករលេងឲ្យក្លិប Barcelona មានច្រើនដូចជា៖
– នៅឆ្នាំ ១៩៨៩ ក្នុងនាមជាកីឡាករលោក Ronald Koeman បានជួយ Barcelona អោយឈ្នះពាន Champions League ជាលើកដំបូងក្នុងប្រវត្តិសាស្រ្តក្លិប បន្ទាប់ពីបង្កើតតាំងពីឆ្នាំ១៨៩៩។
– គាត់គឺជាកីឡាករខ្សែការពារដែលរកគ្រាប់បានច្រើនបំផុតក្នុងប្រវត្តិសាស្រ្តក្លិប Barcelona សរុប៩០គ្រាប់។
យោងតាមការចុះផ្សាររបស់កាសែត ARA បានរាយការណ៍ថា លោក Xavi Hernandez អាចជាគ្រូបង្វឹកក្រុម Barcelona ស្នងតំណែងលោកគ្រូ Koeman ដែលត្រូវបានបណ្តេញចេញ។
អត្ថបទពាក់ព័ន្ធ៖Xavi Hernandez បន្តកិច្ចសន្យាដឹកនាំក្លិបនៅកាតារដល់ឆ្នាំ២០២៣
ប្រភព៖ ARA