កំពុងតែក្លាយជារឿងក្ដៅនិងរងនូវការរិះគន់ខ្លាំង ចំពោះករណីដែលរដ្ឋមន្ត្រីក្រសួងទេសចរណ៍និងកីឡាបានប្រកាសថាតារាចម្រៀង K-Pop សញ្ជាតិថៃ Lisa Lalisa សិល្បករក្នុងផលិតកម្ម YG Entertainment សមាជិកក្រុមចម្រៀង Blackpink បានយល់ព្រមចូលរួមច្រៀងក្នុងកម្មវិធីរាប់ប្រគំតន្ត្រីរាប់ថយក្រោយ ឬ Countdown Concert នៅប្រទេសថៃនាខេត្តភូកេត ជំរាបលានាចុងឆ្នាំ២០២១ ស្ចាគមន៍ឆ្នាំ២០២២ខាងមុខនេះ ដោយបានណាត់គ្នាចុះកិច្ចកុងត្រាជាផ្លូវការនៅសប្ដាហ៍ក្រោយ។
សូមចុចអាន ថៃចាយ១០០លានទាញLisaមកច្រៀងConcert ផ្សព្វផ្សាយពិភពលោកបើកប្រទេសឡើងវិញ
ប៉ុន្តែនៅថ្ងៃទី២៨ ខែតុលា ឆ្នាំ២០២១ កន្លងទៅថ្មីៗនេះ ផលិតកម្ម YG Entertainment បានចេញសេចក្ដីប្រកាសថា «ផលិតកម្មមានកិត្តិយសជាពន់ពេកនិងសូមអរគុណ ប៉ុន្តែ Lisa មិនអាចមកចូលរួមដូចដែលបណ្ដាញសារព័ត៌មានបានចុះផ្សាយនោះឡើយ ដោយសារតែតារាងការងារត្រូវបានកំណត់រួចរាល់អស់ហើយ ដូច្នេះក្រុមហ៊ុនសូមគោរពជំរាបជូនដើម្បីបានដឹងគ្រប់គ្នា»
សូមចុចអាន រដ្ឋាភិបាលថៃ៖ បាក់មុខផលិតកម្មកូរ៉េបដិសេធព័ត៌មាន Lisa មកច្រៀងចូលឆ្នាំសកលនៅថៃ!
ក្រោយមកទៀតលោក Nawat Itsaragrisil មេធំ Miss Grand Thailand បានចេញមកផុសបង្ហាញចំណាប់អារម្មណ៍ខ្លួនចំពោះករណីខាងលើនេះនៅលើ Facebook ដែលមានឈ្មោះ ณวัฒน์ อิสรไกรศีล – Mr.Nawat Itsaragrisil ថា «ទំនាក់ទំនងគ្នាបែបណា? គេមានការងារគេរួចរាល់អស់ហើយឬមួយអត់បានទាក់ទងទេ? និយាយតែគ្នាឯង (សើច) មិនអីទេ លួងចិត្តទៅមើលការប្រកួត Miss Grand ជាមួយគ្នាវិញ ហើយចាំជួបគ្នានៅភូកេតណា»៕
