ពានរង្វាន់បាល់ទាត់ជើងឯកទ្វីបអឺរ៉ុប UEFA Europa League រដូវកាល 2021-2022 វគ្គជម្រុះតាមពូលទាំង៨ ក្នុងជុំទី៤បានបញ្ចប់នៅរាត្រីថ្ងៃសុក្រ សប្ដាហ៍នេះ តែគេសង្កេតឃើញមានព្រឹត្តិការណ៍សំខាន់ៗកើតឡើង។
តើមានកំណត់ត្រាអ្វីខ្លះដែរ?
១. Napoli អាចស៊ុតបញ្ចូលទីលើគូប្រកួតបាន២គ្រាប់ ឬលើស២គ្រាប់ក្នុង១ប្រកួត ចំនួន៤លើកជាប់ៗគ្នានៅក្នុងវគ្គជម្រុះ Europa League រដូវកាលនេះ៖
– Legia Warszawa 1-4 Napoli
– Napoli 3-0 Legia Warszawa
– Napoli 2-3 Spartak Moscow
– Leicester City 2-2 Napoli។
២. West Ham របូតគ្រាប់បាល់ជាលើកដំបូងនៅក្នុងវគ្គជម្រុះ Europa League រដូវកាល 2021/22 ទល់នឹងក្រុម Genk បន្ទាប់ពីបញ្ចប់លទ្ធផល ២-២ យប់មិញនេះ។
៣. កីឡាករស៊ុតបញ្ចូលទីបានច្រើនជាងគេគឺខ្សែប្រយុទ្ធ Ola Solbakken (ន័រវេស) របស់ក្រុម Bodø/Glimt មាន៤គ្រាប់។
៤. កីឡាករដែលបញ្ជូនឲ្យមិត្តរួមក្រុមស៊ុតបញ្ចូលទីបានច្រើនជាងគេគឺខ្សែបម្រើ Mario Götze (អាល្លឺម៉ង់) របស់ក្រុម PSV Eindhoven បាន៣ដង។
គិតត្រឹមពេលនេះវគ្គជម្រុះតាមពូល រកឃើញក្រុមឡើងទៅជុំបន្ត និងក្រុមធ្លាក់ចេញខ្លះហើយឬនៅ?
ក្រុមដែលបានកក់កៅអីទៅវគ្គ១៦ក្រុមចុងក្រោយដំបូងគេ៖
– Lyon (បារាំង)
– West Ham (អង់គ្លេស)
– Eintracht Frankfurt (អាល្លឺម៉ង់)។
ក្រុមដែលអស់ឱកាសឡើងទៅវគ្គ១៦ក្រុមចុងក្រោយ៖
–Ferencvárosi TC (ហុងគ្រី)។
តើក្រុមណាជោគជ័យជាងគេក្នុងពានរង្វាន់នេះ?
ពានរង្វាន់ UEFA Europa League ត្រូវបានបង្កើតឡើងនៅឆ្នាំ 1971-72 ក្រុមដែលឈ្នះពាននេះបានច្រើនជាងគេគឺក្លិប Sevilla (អេស្ប៉ាញ) ចំនួន៦លើក 2006, 2007, 2014, 2015, 2016 និងចុងក្រោយ 2020។
