ក្រុមជម្រើសជាតិប៉េតង់ ផ្នែកនារី របស់កម្ពុជា ត្រូវចេញដំណើរទៅកាន់ប្រទេសអេស្ប៉ាញ ដើម្បីប្រកួតជើងឯកពិភពលោក នៅវេលាម៉ោង៦:៣៥ នាទីល្ងាចថ្ងៃអង្គារ ទី៩ ខែវិច្ឆិកា ឆ្នាំ២០២១ តាមច្រកអាកាសយន្តដ្ឋានអន្តរជាតិភ្នំពេញ។
ក្រុមជម្រើសជាតិនារីកម្ពុជា ធ្វើដំណើរទៅប្រកួតលើកនេះមាន លោក សុខ ម៉ុង ជាគ្រូបង្វឹក, កីឡាការិនី អ៊ុក ស្រីមុំ, អ៊ុន ស្រីយ៉ា,ស្រ៊ាង សុរ៉ាឃីម, ឃួន រ៉ារី។
ចំណែកវិញ្ញាសាប្រកួតមាន
-ទី១ គឺ ៣នាក់ទល់៣នាក់
-វិញ្ញាសាទី២ គឺ វាយយកពិន្ទុ
ការប្រកួតនៅទីក្រុង Santa Susanna (Spain) រួមមាន៣កម្រិត៖
ជើងឯកពិភពលោកវិញ្ញាសាផ្នែកនារី (ចាប់ពីថ្ងៃទី១២-១៤ ខែវិច្ឆិកា ឆ្នាំ២០២១)
ជើងឯកពិភពលោកវិញ្ញាសាផ្នែកយុវជន ( ចាប់ពីថ្ងៃទី១២-១៤ ខែវិច្ឆិកា ឆ្នាំ២០២១)
ជើងឯកពិភពផ្នែកបុរស (ចាប់ពីថ្ងៃទី១៩-២១ ខែវិច្ឆិកា ឆ្នាំ២០២១)
មុនចេញទៅប្រកួតនេះកីឡាការិនីកម្ពុជា ធ្លាប់ឈ្នះមេដាយលើឆាកអន្តរជាតិមាន៖
១. អ៊ុក ស្រីមុំ ឈ្នះមេដាយ៣០គ្រឿងម្នាក់ឯង ក្នុងនោះមាស១២, ប្រាក់ ៤, សំរិទ្ធ ១៤
២. អ៊ុន ស្រីយ៉ា ឈ្នះមេដាយ១៣គ្រឿង ក្នុងនោះមាស ១,ប្រាក់៤ និងសំរឹទ្ធ៨
៣. ស្រ៊ាង សុរ៉ាឃីម ឈ្នះមេដាយសរុប១៣គ្រឿង ក្នុងនោះមាស ៣, ប្រាក់៤និងសំរឹទ្ធ៦
៤. ឃួន យ៉ារី ឈ្នះមេដាយសរុប៨ ក្នុងនោះមាស ៣ ប្រាក់២ និងសំរឹទ្ធ៣
