ទីបំផុតការប្រកួតពានរង្វាន់សម្តេចអគ្គមហាសេនាបតីតេជោ ហ៊ុន សែន លើកទី១៥ ឆ្នាំ២០២១ ជើងឯកថ្នាក់ជាតិ បានបញ្ចប់វគ្គ១៦ក្រុមចុងក្រោយទាំងស្រុងល្ងាចថ្ងៃពុធ ទី១០ ខែវិច្ឆិកា ឆ្នាំ២០២១ នេះ បន្ទាប់ពី៤គូចុងក្រោយបានរកឃើញអ្នកទទួលបានជ័យជម្នះ។
លទ្ធផលនៅរសៀលថ្ងៃពុធនេះមាន៖
– អគ្គិសនីកម្ពុជា លត់ សមាគមបាល់ទាត់ ខ.ភ.ម យ៉ាងចាស់ដៃក្នុងលទ្ធផល ៤-០ នៅកីឡដ្ឋានកងយោធពលខេមរភូមិន្ទ
– បឹងកេត ទម្លាក់ សូលទីឡូអង្គរ ក្នុងលទ្ធផល ៤-០ នៅកីឡដ្ឋានខេមូឌាអ៊ែរវេ
– អង្គរថាយហ្គឺរ សងសឹក ខេត្តព្រៃវែង បានសម្រេចក្រោយយកឈ្នះក្នុងលទ្ធផល ២-០ នៅកីឡដ្ឋាន អេស.អ.យូ
– អាស៊ីអឺរ៉ុបយូណាយធីត ផ្ដួល គិរីវង់សុខសែនជ័យ យ៉ាងប្រផិតប្រផោយក្នុងលទ្ធផល ៣-២ នៅកីឡដ្ឋាន គិរីវង់។
ខាងក្រោមនេះគឺវគ្គ៨ក្រុមចុងក្រោយដែលធ្វើឡើងនៅថ្ងៃទី១៦ ខែវិច្ឆិកា ឆ្នាំ២០២១៖
– វិសាខា ជួប អាស៊ីអឺរ៉ុបយូណាយធី
– ភ្នំពេញក្រោន ជួប អគ្គិសនីកម្ពុជា
– ព្រះខ័នរាជស្វាយរៀង ជួប អង្គរថាយហ្គឺរ
– ណាហ្គាវើលដ៍ ជួប បឹងកេត៕
