ក្រុមជម្រើសជាតិព័រទុយហ្គាល់ ម្ចាស់ជើងឯក Euro2016 បានរងបរាជ័យក្រោមថ្វីជើងរបស់ក្រុមស៊ែប៊ី ២-១ ធ្វើឲ្យបាត់បង់ឱកាសឡើងស្វ័យប្រវត្តិទៅការប្រកួតផ្លូវការ FIFA World Cup 2022 ពោលគឺនៅសល់ត្រឹមឱកាសប្រជែងវគ្គ Play-off ប៉ុណ្ណោះ។
ចំណែកឯក្រុមជម្រើសជាតិអុីតាលី ម្ចាស់ជើងឯក Euro2020 ភ្លាត់ស្នៀតស្មើ ០-០ ទល់នឹងក្រុមជម្រើសជាតិអ័រឡង់ខាងជើង ធ្លាក់ចេញពីកំពូលតារាង បន្ទាប់ពីក្រុមជម្រើសជាតិស្វ៊ីស បានយកឈ្នះ ក្រុមជម្រើសជាតិប៊ុលហ្គារី ក្នុងលទ្ធផល ៤-០ កក់កៅអីទៅលេង World Cup 2022 ប្រទេសកាតារ។
សម្រាប់ការប្រកួតវគ្គ Play-off គឺយកតែ៣ កៅអីប៉ុណ្ណោះ ក្នុងចំណោមក្រុមទាំង១២៖
– ក្រុមលេខ២ ចំនួន១០ក្រុម៖ ព័រទុយហ្គាល់, អុីតាលី, រុស្ស៊ី, ស៊ុយអែត, ប៉ូឡូញ, វេលស៍, ស្កុតឡែន, ម៉ាសេដូនី, អូទ្រីស និងសាធារណរដ្ឋឆេក
– ខណ: ២ក្រុមទៀតយកចេញពីក្រុមល្អបំផុតនៅ UEFA Nations League។
ចំពោះការចាប់ឆ្នោតសម្រាប់ការប្រកួតវគ្គ Play-off នឹងធ្វើឡើងនៅថ្ងៃទី២៦ វិច្ឆិកាខាងមុខនេះ ដោយបែងចែកជា៣ Pot (ក្នុង១ Pot មាន៤ក្រុម) សម្រាប់ក្រុមឈ្នះក្នុងពូលនីមួយៗមានសិទ្ធទៅលេង World Cup នៅកាតារ៕