តំបន់អគារវប្បធម៌ក្នុងភូមិតាខ្មៅ២ត្រូវបានកំណត់ជា «តំបន់ក្រហម»និងត្រូវបិទខ្ទប់

រដ្ឋបាលខេត្តកណ្តានៅថ្ងៃនេះបានចេញសេចក្តីសម្រេចស្តីពីការកំណត់ «តំបន់ក្រហម» និង «តំបន់លឿង» ក្នុងភូមិសាស្រ្តក្រុងតាខ្មៅ ខេត្តកណ្តាល ដើម្បីទប់ស្កាត់ការឆ្លងរីករាលដាលនៃជំងឺកូវីដ-១៩។

ក្នុងនោះ តំបន់អគារវប្បធម៌ក្នុងភូមិសាស្ត្រភូមិតាខ្មៅ២នៃសង្កាត់តាខ្មៅ ក្រុងតាខ្មៅ ត្រូវបិទខ្ទប់ និងកំណត់ជា«តំបន់ក្រហម»ដែលត្រូវចាប់ផ្ដើមអនុវត្តសម្រាប់រយៈពេល ៧ថ្ងៃ គិតចាប់ពីម៉ោងសូន្យ នាថ្ងៃទី០៦ ដល់ថ្ងៃទី១២ ខែឧសភា ឆ្នាំ២០២១នេះ។