Monday, November 28 Login

សមាគម​កីឡា​ជាតិ​បាល់ទះ Larong Volleyball sa Pilipinas (LVPI) របស់​ហ្វីលីពីន បាន​ដាក់​ពាក្យ​ស្នើសុំ​ជា​ថ្មី​តាម​រយៈ​សហព័ន្ធ​កីឡា​បាល់ទះ​ហ្វីលីពីន Philippine National Volleyball Federation (PNVF) ដើម្បី​ស្នើសុំ​ប្រាក់​ចំនួន​៨ម៉ឺន​ដុល្លារ​មេរិក ពី​សហព័ន្ធ​កីឡា​បាល់ទះ​អន្តរជាតិ Fédération Internationale de Volleyball (FIVB) ដែល​ពាក់ព័ន្ធ​ក្នុង​សកម្មភាព​កាល​ពី​៥ឆ្នាំ​មុន។

​លោក Peter Cayco ប្រធាន LVPI បាន​ចេញ​ផ្ញើ​លិខិត​បូក​ទាំង​អំណះអំណាង​មួយ​ចំនួន​​ជូន​លោក Ary Graça ប្រធាន FIVB នៅ​ថ្ងៃ​ទី​៤ ខែ​ឧសភា ឆ្នាំ​២០២១ ថ្មីៗនេះ​ថា៖«កាល​ពី​ថ្ងៃ​ទី​១២ ខែ​មករា ឆ្នាំ​២០២១ កន្លង​ទៅ​យើង​​បាន​ស្នើសុំ​ប្រាក់​​៨ម៉ឺន​ដុល្លារ​ និង​ការ​ចំណាយ​ផ្សេងៗ របស់ LIVB ត្រឡប់​មក​វិញ​ក្នុង​សកម្មភាព​ដែល FIVB និង​សហព័ន្ធ​កីឡា​បាល់ទះ​អាស៊ី (AVC) ទាមទារ​ដាក់​ជា​ថ្នូរ​នឹង​ទទួល​ស្គាល់​ជា​សមាជិក​ពេញ​សិទ្ធិ​​ពេញ​លេង របស់ PNVF ​នៅ​ឆាក​អន្តរជាតិ។ មក​ទល់​នឹង​ពេល​នេះ​មិន​មាន​ចម្លើយ​ណាមួយ​ត្រឡប់​មក​វិញ»។

លិខិត​បាន​បញ្ជាក់​ថា៖«LVPI បាន​គោរព​​និង​អនុវត្តន៍ កាតព្វកិច្ច​របស់​ខ្លួន​ឱ្យ​ស្រប​តាម​កិច្ចសន្យា ឱ្យ​បាន​ត្រឹមត្រូវ ដើម្បី​កែតម្រូវ​នូវ​ភាព​អយុត្តិធម៌​​ដល់​​យើង​។ ប៉ុន្តែ​ការ​មិន​សង​ប្រាក់​ត្រឡប់​មក​វិញ​របស់ FIVB វា​ហាក់​ដូច​ជា​អយុត្តិធម៌​បន្ថែម​ទៀត​ដល់​យើង​ក្នុង​ការ​លើក​ស្ទួយ​​និង​អភិវឌ្ឍន៍​បាល់ទាត់​នៅ​ក្នុង​ប្រទេស​​ក៏​ដូចជា​សកម្មភាព​នានា​ត្រៀម​ចូលរួម​ប្រកួត​ក្នុង​កម្រិត AVC និង FIVB ជាដើម»។

«ប្រសិន​បើ​ FIVB បន្ត​មិន​ឆ្លើយ​តប​ពី​បញ្ហា​នេះ​យើង​នឹង​ស្វែង​រក​កិច្ចអន្តរាគមន៍​ពី​​ភាគី​ពាក់ព័ន្ធ​នានា​ដើម្បី​ធានា​ហិរញ្ញវត្ថុ​យើង​ត្រឡប់​មក​វិញ ព្រោះ​យើង​មាន​ចំណាយ​ជា​ច្រើន​​នាពេល​បច្ចុប្បន្ន​ដើម្បី​ឱ្យ​ឱ្យ​ត្រូវ​តាម​ស្ដង់ដារ​របស់​ FIVB។ យើង​សង្ឃឹម​ថា​នឹង​ទទួល​បាន​ចម្លើយ​ពី​​អ្នក​ក្នុង​ពេល​ឆាប់ៗ»។

​សហព័ន្ធ​កីឡា​បាល់ទះ​ហ្វីលីពីន ត្រូវ​បាន​ទទួល​ស្គាល់​ដោយ​គណៈកម្មាធិការ​ជាតិ​អូឡាំពិក​ប្រទេស​ខ្លួន​នៅ​ឆ្នាំ​២០១៤ ហើយ​នៅ​ឆ្នាំ​២០១៥ ទទួល​ស្គាល់​ជា​អន្តរជាតិ​ពី AVC និង FIVB។ កន្លង​មក​នេះ​ហ្វីលីពីន ធ្លាប់​រៀបច​បាល់ទះ​បុរស​រហូត​ដល់​២កម្រិត និង​បាល់ទះ​នារី ផង​ដែរ។ ពេល​នេះ​ហ្វីលីពីន កំពុង​តែ​ប្រមូល​ផ្ដុំ​ក្រុម​ជម្រើស​ជាតិ​បាល់ទះ​ក្នុង​សាល​បុរស​នារី បាល់ទះ​ឆ្នេរខ្សាច់​បុរស​នារី ដើម្បី​ត្រៀម​ទៅ​ប្រកួត​កីឡា​ស៊ីហ្គេម​ឆ្នាំ​២០២១ នៅ​ហាណូយ ផង​ដែរ៕

Share.

Leave A Reply