អ្នកគាំទ្រមានក្ដីបារម្ភយ៉ាងខ្លាំងចំពោះសុខភាពរបស់កញ្ញា ពក ស្រីល័ក្ខ ក្រោយពេលមានរូបភាពគេងលើគ្រែពេទ្យនិងបន្តោងសេរ៉ូមរបស់កញ្ញាត្រូវបានគណនីហ្វេសប៊ុកមួយបង្ហោះនិង Tag ឱ្យកញ្ញាបានបង្ហោះនៅលើបណ្ដាញសង្គម កាលពីម៉ោង៨ព្រឹក នៅក្នុងថ្ងៃទី២៩ ខែវិច្ឆិកា ឆ្នាំ២០២១ នេះ។
កញ្ញា ពក ស្រីល័ក្ខ អតីតជ័យលាភី Miss Grand Cambodia 2021 Top10 និងជាបេក្ខនារី Miss Universe 2021 ខណៈនេះបានធូរស្រាលបន្តិចហើយ ដោយសាមីខ្លួនបានឆ្លើយតបទៅកាន់អ្នកគាំទ្រដែលព្រួយបារម្ភពីសុខទុក្ខរបស់កញ្ញាថា កញ្ញាឈឺ «ពោះវៀងដុះខ្នែង» ប៉ុន្តែអាការៈពេលនេះបានធូរស្រាលហើយ។
បន្ទាប់ពីបានដឹងពីអាការៈជំងឺរបស់ស្រីស្អាតសំបុរស្រអែមរូបនេះរួច អ្នកគាំទ្ររបស់កញ្ញា បានចូលមកជូនពរឱ្យកញ្ញាឆាប់ជាពីជំងឺ និងឆាប់បានវិលត្រលប់មកបំពេញការងារវិញយ៉ាងឆាប់រហ័ស។
សារព័ត៌មានត្រយង សូមជូនពរឱ្យ កញ្ញា ពក ស្រីល័ក្ខ ឆាប់ជាពីជំងឺ «ពោះវៀនដុះខ្នែង» និងមានសុខភាពល្អឡើងវិញ៕