ពានរង្វាន់បាល់ទាត់ជើងឯកពិភពលោកសម្រាប់ក្លិបអាជីព FIFA Club World Cup 2021 បានចាប់ឆ្នោតជ្រើសរើសគូប្រកួតរួចរាល់ហើយ ខណៈក្រុមបាល់ទាត់ Chelsea ម្ចាស់ជើងឯកទ្វីបអឺរ៉ុប UEFA Champion League អង្គុយចាំវគ្គពាក់កណ្ដាលផ្ដាច់ព្រ័ត្រដោយស្វ័យប្រវត្តិ។
អត្ថបទពាក់ព័ន្ធ៖អារ៉ាប់រួម ចូលខ្លួនមកធ្វើជាម្ចាស់ផ្ទះ FIFA Club World Cup 2021 ជំនួសជប៉ុន
ការប្រកួតនេះគឺយកក្រុមខ្លាំងៗដែលជាជើងឯកប្រចាំទ្វីបនីមួយៗចូលរួមប្រកួតដោយក្នុងនោះ៖
-ម្ចាស់ផ្ទះ៖ Al Jazira ម្ចាស់ជើងឯកលីគកំពូលអារ៉ាប់រួម ( 2020–21 UAE Pro League)
-ទ្វីបអូសេអានី (OFC)៖ Auckaland City របស់នូវែលហ្សេឡង់ (សហព័ន្ធបាល់ទាត់ទ្វីបអូសេអានី បញ្ជូនឈ្មោះមកចូលរួម)
-ទ្វីបអាមេរិកខាងជើង (CONCACAF)៖ Monterrey របស់ម៉ិចស៊ីកូ ម្ចាស់ជើងឯកពាន 2021 CONCACAF Champions League
-ទ្វីបអាមេរិកខាងត្បូង (CONMEBOL)៖ Palmeiras របស់ប្រេស៊ីល ម្ចាស់ជើងឯក2021 Copa Libertadores
-ទ្វីបអាស៊ី (AFC)៖ Al Hilal របស់អារ៉ាប៊ីសាអ៊ូឌីត ម្ចាស់ជើងឯក 2021 AFC Champions League
-ទ្វីបអាហ្វ្រិក (CAF)៖ Al Ahly របស់អេហ្ស៊ីប ម្ចាស់ជើងឯក 2020–21 CAF Champions League
-ទ្វីបអឺរ៉ុប (UEFA)៖ Chelsea របស់អង់គ្លេស ម្ចាស់ជើងឯក 2020–21 UEFA Champions League
អត្ថបទពាក់ព័ន្ធ៖រឿង៤យ៉ាង ដែល Chelsea ទទួលបានក្រោយឈ្នះជើងឯក UEFA Champion League
កម្មវិធីប្រកួតFIFA Club World Cup 2021 មាន៖
ជុំទី១៖
-៣ កុម្ភៈ ២០២២ Al Jazira Vs Auckland City
ជុំទី២៖
-Al Hilal Vs អ្នកឈ្នះជុំទី១ (ប្រកួតទី១)
-Al Ahly Vs Monterrey (ប្រកួតទី២)
វគ្គពាក់កណ្ដាលផ្ដាច់ព្រ័ត្រ
-អ្នកឈ្នះប្រកួតទី១ Vs Chelsea
-Palmeiras Vs អ្នកឈ្នះប្រកួតទី២
វគ្គផ្ដាច់ព្រ័ត្រ
-អ្នកឈ្នះវគ្គពាក់កណ្ដាលផ្ដាច់ព្រ័ត្រទាំង២ក្រុមជួបគ្នា
អត្ថបទពាក់ព័ន្ធ៖ក្លិប Al Hilal ក្លាយជាម្ចាស់ជើងឯកក្នុងពានរង្វាន់ AFC Champions League 2021 (មានវីដេអូ)
តាមផែនការការប្រកួតពានរង្វាន់ FIFA Club World Cup 2021នេះ ធ្វើឡើងពីថ្ងៃទី៣ ដល់១២ ខែកុម្ភៈ ឆ្នាំ២០២២ នៅទីក្រុងឌូប៉ៃ ប្រទេសអារ៉ាប់រួម បន្ទាប់ពីជប៉ុន ប្រកាសដកខ្លួនធ្វើជាម្ចាស់ផ្ទះ ក្រោយរងផលប៉ះពាល់ដោយសារជំងឺកូវីដ-១៩។
អត្ថបទពាក់ព័ន្ធ៖ក្រុម Al Ahly ឈ្នះពាន Champion League ទ្វីបអាហ្វ្រិក និងទទួលកៅអី FIFA Club World Cup
ពានរង្វាន់ FIFA Club World Cup រៀបចំឡើងដំបូងពីឆ្នាំ២០០០ ដោយប្រកួតរាល់១ឆ្នាំម្តង ស្របពេលដែលក្រុម Real Madrid របស់អេស្ប៉ាញ ឈ្នះបាន៤លើក ច្រើនជាងគេ ហើយក្រុម Barcelona របស់អេស្ប៉ាញដូចគ្នា ឈ្នះជើងឯកបាន៣លើក។ ក្រុម Corinthians របស់ប្រេស៊ីល និងក្រុម Bayern Munich របស់អាល្លឺម៉ង់ ឈ្នះបាន២លើកម្នាក់ ស្របពេលក្រុម Liverpool របស់អង់គ្លេស, Sao Paulo របស់ប្រេស៊ីល, Internacional របស់ប្រេស៊ីល, AC Milan របស់អ៊ីតាលី, Man United របស់អង់គ្លេស, Inter Milan របស់អ៊ីតាលី ឈ្នះជើងឯកបានម្នាក់១លើក៕